مەنىڭ پىكىرىمشە, ءاربىر ازاماتتىڭ كوڭىل كۇيىنە ءوز مەملەكەتىنىڭ جەتىستىگى وڭ اسەرىن تيگىزەدى. سوندىقتان پرەزيدەنت نۇرسۇلتان نازارباەۆتىڭ بيىلعى 5 قازانداعى جولداۋىندا كوتەرىلگەن ماسەلەلەردى قازاقستاندىقتار پسيحولوگيالىق تۇرعىدا جىلى قابىلدادى دەپ ويلايمىن.
جالپى, مەملەكەتتىڭ قولداۋىن جاقسى سەزىنە بىلگەن ادام سوعان لايىقتى جاۋاپ بەرۋگە تىرىسادى. بۇل بيلىك پەن حالىقتىڭ اراسىنداعى جاقسى ۇيلەسىمدىلىكتى تۋىنداتادى. وسى ورايدا قازاقستان پرەزيدەنتىنىڭ جۇيەلى جوسپارلانعان, تىڭعىلىقتى زەردەلەنگەن باستامالارى, وڭتايلى قابىلداعان شەشىمدەرى بارشا قازاقستاندىقتاردى بۇگىنگى وزگەرمەلى الەمدە قاۋىپسىز, جايلى سەزىنۋىن قامتاماسىز ەتىپ وتىر.
مەن قوعامدىق سانانى مودەرنيزاتسيالاۋ ۇدەرىسىنىڭ بولىگى رەتىندە, ەڭ ماڭىزدى بولىپ سانالاتىن بىرنەشە تارماقتى اتاپ وتكىم كەلەدى: مەكتەپكە دەيىنگى ءبىلىم بەرۋ ساپاسىن ارتتىرۋ, مۇعالىمدەردىڭ ەڭبەك قاتىناستارى مەن جاعدايلارىن جاقسارتۋ, جوعارى ءبىلىم بەرۋ ساپاسىن باقىلاۋ.
تاعى ءبىر ايتا كەتەر جايت, ەل بولاشاعى – جاستار. سوندىقتان تابىستى, ناتيجەلى جۇمىس ىستەۋلەرى ءۇشىن ولارعا بارىنشا جاقسى جاعداي جاسالۋى ءتيىس. بۇل ماسەلەگە دە جولداۋدا باسىمدىق بەرىلگەن. مەملەكەت باسشىسىنىڭ 2019 جىلدى «جاستار» جىلى دەپ جاريالاۋى كوڭىلگە جىلىلىق ۇيالاتپاي قويمايدى.
يرينا ۆاگنەر,
روساريو قالاسىنداعى (ارگەنتينا) قازاقستان مادەنيەت ورتالىعىنىڭ ديرەكتورى, قازاقستان حالقى اسسامبلەياسىنىڭ ەلشىسى
