مۇنىڭ ءبارى دە ەلىمىزدىڭ دامۋ, وركەندەۋ جولىندا جاقسى جۇمىس اتقارىپ كەلە جاتقانىن كورسەتەدى. سونىمەن قاتار, جولداۋ بارىسىندا ەلىمىزگە بەرەرى كوپ يگى باستامالار جايىندا كوپتەپ ايتىلدى. جالپى, حالىقتىڭ تۇرمىسىن كوتەرۋگە, تابىس پەن تۇرمىس ساپاسىن ارتتىرۋعا باعىتتالعان جولداۋدا ءبىلىم ماسەلەسىنە ەرەكشە كوڭىل بولىنگەنى ءبىزدى, مۇعالىمدەر قاۋىمىن ەرەكشە قۋانتتى. مۇعالىمدەردىڭ مارتەبەسىن جوعارى قويا وتىرىپ كەلەسى جىلعا دايىندىق جۇمىستارىنىڭ جۇرگىزىلۋى, مەكتەپتەر مەن بالاباقشالارداعى ءومىر قاۋىپسىزدىگىنە ءجۇز پايىز باقىلاۋ جۇرگىزۋ, سونىمەن قاتار ءۇش اۋىسىمدى مەكتەپتەردى جويۋ جونىندە جانە جاستاردى وتانسۇيگىشتىككە باۋلۋ تۋراسىندا ماسەلە كوتەرىلگەنى وتە ورىندى دەپ بىلەمىن. جولداۋ ارقىلى قوعامنىڭ ءاربىر مۇشەسى العا ۇمتىلا وتىرىپ, حالقىمىزعا قاجەتتى جوبالاردى جۇزەگە اسىرادى.
بۇگىنگى تاڭدا قازاق قوعامىندا مۇعالىم مارتەبەسى تۋرالى ءجيى ماسەلە كوتەرىلەدى. ال مۇعالىم مارتەبەسىنىڭ, ونىڭ بىلىكتىلىگىنىڭ بۇگىنگى جاس ۇرپاققا تيگىزەر پايداسى وراسان. سونىمەن قاتار ەلباسى مەكتەپكە دەيىنگى ءبىلىم بەرۋ ساپاسىن تۇبەگەيلى جاقسارتۋ كەرەكتىگىن ايتتى. كەلەسى جىلى «پەداگوگ مارتەبەسى تۋرالى» زاڭدى ازىرلەپ, قابىلداۋ كەرەكتىگىن مالىمدەدى. مۇنىڭ ءبارى مۇعالىمدەردىڭ مارتەبەسىن كوتەرۋگە ارنالعان مىندەتتەر دەپ سانايمىن. بۇل باستامالاردىڭ بارلىعى دا ءبىر ادامدى تاربيەلەۋ ارقىلى تۇتاس ۇلتقا ونەگە بولا الاتىن مۇعالىمدەرگە دەگەن ەرەكشە قامقورلىق.
بۇگىندە مەملەكەتتىڭ ءبىلىم سالاسىنا دەگەن قامقورلىعى ارتىپ كەلەدى. ساپالى ءبىلىم الۋ ارقىلى بۇگىنگى جاستار ەرتەڭگى ەلەۋلى تۇلعاعا اينالادى. ال ساپالى ءبىلىم الۋ ءۇشىن ءبىلىم وشاقتارىنىڭ بارلىعى تالاپقا ساي بولۋى كەرەك. بۇگىندە تاراز قالاسى بويىنشا ءۇش اۋىسىمدى مەكتەپتەردىڭ ماسەلەسى شەشىلگەن. بيىل عانا قالادا ءۇش اۋىسىمدى مەكتەپتەر جويىلىپ, اعىمداعى جىلدىڭ ءبىلىم كۇنى قارساڭىندا 900 جانە 1200 ورىندىق ەكى مەكتەپ پايدالانۋعا بەرىلدى. مۇنىڭ ءبارى ەلباسىنىڭ ءبىلىم سالاسىنا دەگەن ەرەكشە قامقورلىعىنىڭ ناتيجەسىندە مۇمكىن بولىپ وتىر. الداعى ۋاقىتتا وسىنداي قولداۋعا يە بولىپ وتىرعان مۇعالىمدەر قاۋىمى ەلباسى جولداۋىندا كورسەتىلگەن بارلىق جاۋاپكەرشىلىكتى سەزىنە وتىرىپ, ساپالى ءبىلىم بەرۋ ماقساتىندا ناتيجەلى جۇمىس ىستەيدى دەپ سەنەمىن.
مۇباراك جيناقباەۆا,
تاراز قالالىق ءبىلىم ءبولىمىنىڭ باسشىسى
جامبىل وبلىسى
