قازاقستان ءوزىنىڭ تاۋەلسىزدىك جىلدارىندا پرەزيدەنت ن.نازارباەۆتىڭ باستامالارى ارقاسىندا كوپتەگەن جەتىستىكتەرگە قول جەتكىزدى. مەملەكەت باسشىسىنىڭ قولعا العان ءاربىر باستاماسى تىڭعىلىقتى ءارى ناتيجەلى ىسكە استى.
ولاردىڭ اراسىنداعى ەڭ وزەكتىلەرى سىرتقى ساياسي بايلانىستاردى ورناتۋ, ىشكى تۇراقتىلىقتى قامتاماسىز ەتۋ, ەلدىڭ حالىقارالىق قوعامداستىقتاعى ورنىن ناقتىلاۋ, نىعايتۋ بولدى. ۋاقىت وتە كەلە جوعارىداعى مىندەتتەردىڭ بارلىعى ەڭسەرىلدى.
قازىرگى تاڭدا قازاقستان ورتالىق ازيادا كوشباسشىلىق رولگە عانا يە ەمەس, ءوزىنىڭ كوپتەگەن يننوۆاتسيالىق باستامالارىن جۇزەگە اسىرۋ ناتيجەسىندە از عانا ۋاقىتتىڭ ىشىندە الەم ەلدەرى اراسىندا ۇلكەن بەدەلگە يە بولدى. قازاقستان بۇگىنگە دەيىن 300 ملرد اقش دوللارى كولەمىندە شەتەلدىك تىكەلەي ينۆەستيتسيا تارتقان. سونداي-اق قازاقستان تمد ەلدەرى اراسىندا ءبىرىنشى بولىپ ەكسپو حالىقارالىق كورمەسىن ۇيىمداستىردى. قازىرگى كەزدە قازاقستان دۇنيەجۇزىلىك بانكتىڭ بيزنەس جۇرگىزۋ جەڭىلدىگى رەيتينگىندە 190 ەلدىڭ ىشىندە 36-شى ورىندا تۇر.
پرەزيدەنت ن.نازارباەۆ ءوزىنىڭ جىل سايىنعى جولداۋلارى ارقىلى ەلدى دامىتۋ, حالىقتىڭ جاعدايىن جاقسارتۋ, الەۋمەتتىك ماسەلەلەردى شەشۋ جولدارىن كورسەتىپ كەلەدى. ماسەلەن, پرەزيدەنتتىڭ 2018 جىلدىڭ
5 قازانىنداعى جولداۋى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» تاقىرىبىمەن جاريالاندى. وندا بارشا قازاقستاندىقتاردى تولعاندىرىپ جۇرگەن ماسەلەلەرگە باسا نازار اۋدارىلعان. ناقتىلاي ايتقاندا, جولداۋدا حالىق تابىسىن, ءومىر ءسۇرۋ ساپاسىن ارتتىرۋ, ءومىر سۇرۋگە جايلى ورتا قالىپتاستىرۋ, ازاماتتار سۇرانىسىنا بەيىمدەلگەن مەملەكەتتىك اپپارات قۇرۋ جانە قازاقستاننىڭ ءاربىر ازاماتىن جاڭا وزگەرىستەرگە بەيىمدەۋ ماسەلەلەرى قامتىلعان.
سونىمەن قاتار جولداۋدا قازاقستاننىڭ سىرتقى ساياسات سالاسىنداعى ءتيىمدى باعىتتارى اتاپ كورسەتىلگەن. ونىڭ ىشىندە, اسىرەسە ورتالىق ازيا ەلدەرىمەن ىنتىماقتاستىقتى دامىتۋ, ەلدىڭ بۇۇ قك-ءنىڭ تۇراقتى ەمەس مۇشەسى رەتىندەگى ميسسيياسىن ءساتتى اياقتاۋ جانە باسقا دا ماڭىزدى ماسەلەلەر قوزعالعان.
قورىتا ايتقاندا, جولداۋدا حالىقتىڭ الەۋمەتتىك, مادەني جانە ەكونوميكالىق تۇرعىداعى جاعدايىن جاقسارتۋعا بارىنشا كوڭىل بولىنگەن. بۇل پرەزيدەنت ن.نازارباەۆتىڭ بيىلعى
5 قازاندا جاريالاعان جولداۋىنىڭ باستى ەرەكشەلىگى بولىپ تابىلادى.
گاۋر پۋنيت,
دوكتور PhD, دوتسەنت ء(ۇندىستان)
