الەم • 29 قازان، 2018

لوندون، دۋبلين جانە مانچەستەر قازاقستاندىق وركەستردى قوشەمەتتەدى

129 رەتكورسەتىلدى

جامبىل اتىنداعى قازاق فيلارمونيالىق كامەرالىق وركەسترى ۇلىبريتانيا مەن يرلانديا قالالارىنداعى ءبىر اپتالىق تۋرنەسىن دۋبلين، مانچەستەر جانە لوندونداعى كونتسەرتتەرىمەن اياقتادى.

قازاقستاننىڭ ۇلىبريتانياداعى ەلشىسى ەرلان ىدىرىسوۆ قازاقستاندىق مادەنيەتتى ششەتەلدە تانىمال ەتۋ ىسىنە قوسقان ۇلەسى ءۇشىن وركەستر مۇشەلەرىنە العىسىن ءبىلدىردى. مانچەستەردەگى كونتسەرتتە قازاقستاندىق ديپلومات ەلىمىزدىڭ ۇلىبريتانياداعى العاشقى يادرولىق قارۋدان ازات ايماق بولىپ جاريالانعان قالامەن ەرەكشە قارىم-قاتىناسىن اتاپ ءوتتى. مانچەستەر مەن قازاقستاندىق سەمەي يادرولىق قارۋدان ازات الەمگە قول جەتكىزۋگە باعىتتالعان «Mayors for Peace» ۇيىمى اياسىندا بىرگە جۇمىس ىستەيدى.

كلاسسيكالىق مۋزىكانى باعالاي بىلەتىن مەيماندار، ونىڭ ىشىندە اڭىزعا اينالعان قازاق كومپوزيتورلارىنىڭ تۋىندىلارىن ءبىرىنشى رەت تىڭداعاندار قازاقستاندىق مۋزىكانتتار مەن كلاسسيكالىق قازاق شىعارمالارىنىڭ ەرەكشە دىبىسىن باعالادى. كونتسەرتتەرگە قاتىسقان بريتاندىق ساياسي، ەكونوميكالىق جانە مادەني ورتالاردىڭ جوعارى وكىلدەرى جانە ديپلوماتيالىق كورپۋستىڭ مۇشەلەرى كلاسسيكالىق قازاق مۋزىكاسىنا جانە وركەستردىڭ شىعارماشىلىعىنا شىنايى قىزىعۋشىلىق تانىتتى.

لوندونداعى كونتسەرتكە ۇلىبريتانيا پرەمەر-ءمينيسترىنىڭ قازاقستانداعى ساۋدا وكىلى بارونەسسا ەمما نيكولسون، لوردتار پالاتاسىنىڭ مۇشەسى، قازاقستانمەن ىنتىماقتاستىق جونىندەگى كوپپارتيالىق توپ توراعاسىنىڭ ورىنباسارى لورد موحامەد شەيح، جەتەكشى مەملەكەتتەردىڭ ەلشىلەرى، ۇلىبريتانيا سىرتقى ىستەر مينيسترلىگىنىڭ، بىرقاتار حالىقارالىق ۇيىمداردىڭ وكىلدەرى جانە باسقالار قاتىستى.

تانىمال كانادالىق سكريپكاشى لارا سەنت-دجون جانە كوپتەگەن جۇلدەلەرمەن ماراپاتتالعان قازاقستاندىق كلارنەتيست بەكتۇرعان جولامان تۋرنەنىڭ سوليستەرى بولدى. وركەسترگە جەتەكشىلىك ەتكەن اتاقتى قازاقستاندىق ديريجەر ەربولات احمەدياروۆ.

تۋرنە بارىسىندا وركەستر «BBC Radio 3» راديوسىنداعى «In Tune» باعدارلاماسىنىڭ تىكەلەي ەفيرىندە ونەر كورسەتتى. اتالعان باعدارلاماعا ءداستۇر بويىنشا كلاسسيكالىق، دجاز جانە حالىق مۋزىكا الەمىندەگى ۇزدىك وركەسترلەر قاتىسادى. تىڭدارماندار وركەستردىڭ جازباسىن «BBC» ۆەب-سايتىندا ءۇش اي بويى تىڭداي الادى.

لوندونداعى كونتسەرتتەن كەيىن وركەستر ميلانعا بارىپ، الەمدىك تۋرنەسىنىڭ قورىتىندى كونتسەرتىن بەرەدى.

كونتسەرتتەردى قازاقستان رەسپۋبليكاسىنىڭ مادەنيەت جانە سپورت مينيسترلىگى قر-دىڭ ۇلىبريتانياداعى ەلشىلىگىنىڭ قولداۋىمەن «جاھاندىق الەمدەگى زاماناۋي قازاقستاندىق مادەنيەت» جوباسى اياسىندا ۇيىمداستىردى. تۋرنە قازاقستان مەن ۇلىبريتانيا جانە يرلانديا اراسىنداعى ديپلوماتيالىق قاتىناستاردىڭ 25 جىلدىق مەرەيتويىن اتاپ ءوتتى.

سوڭعى جاڭالىقتار

اقىنعا ارنالعان كۇن

رۋحانيات • بۇگىن، 07:46

قالانى دامىتۋ قۇجاتى دايىن

ايماقتار • بۇگىن، 07:43

باسپانامەن قامتيتىن باستى قۇجات

باعدارلامالار • بۇگىن، 07:23

بولمىسى ءبۇتىن باعاەۆ

رۋحانيات • بۇگىن، 07:19

ەر ەدىگە جانە ەلدىك مۇددە

رۋحانيات • بۇگىن، 07:11

تەمەكىنىڭ تاۋقىمەتى

مەديتسينا • بۇگىن، 07:05

ەڭ قىسقا اڭگىمە. ولجاس ساندىبەك

ەڭ قىسقا اڭگىمە • كەشە

ەڭ قىسقا اڭگىمە. تالعات ەشەن ۇلى

ەڭ قىسقا اڭگىمە • كەشە

ەڭ قىسقا اڭگىمە. نۇرداۋلەت قاباسوۆ

ەڭ قىسقا اڭگىمە • كەشە

ەڭ قىسقا اڭگىمە. ەرمەك بەگزادا

ەڭ قىسقا اڭگىمە • كەشە

ەڭ قىسقا اڭگىمە. نۇرنازار تۇرىكبەن

ەڭ قىسقا اڭگىمە • كەشە

ۇقساس جاڭالىقتار