بىردەن ايتا كەتەيىك, الۋان قۇستىڭ قاناتى ءجيى قاعىلاتىن ءوڭىردىڭ بولاشاعى وتە زور. اسىرەسە تۋريزم سالاسىندا تۇستىك جەردەن وزىنە تارتاتىن تارتىمدى تۇستارى كوپ-اق. الەمنىڭ ءار قيىرىنداعى تابيعات تىلسىمىنا دەگەن قىزىعۋشىلىعى بار جۇرت سيقىرلى الەمنىڭ سىرىنا قانعىسى كەلەدى-اق. كوپتىڭ كورگىسى كەلەتىنى, البەتتە, قوقيقاز. بۇل جولعى شارانى ۇيىمداستىرۋعا قازاقستاننىڭ بيوارتۇرلىلىگىن ساقتاۋ قورى, قورعالجىن ەكولوگيالىق وبسەرۆاتورياسى جانە «قورعالجىن» مەملەكەتتىك تابيعي قورىعى ات سالىستى.
– الداعى ۋاقىتتا قورىق اۋماعىندا مازمۇندى شارالاردى ءجيى وتكىزبەكشىمىز,–دەيدى وبلىس اكىمىنىڭ ورىنباسارى مارات يعالي. – بۇل وڭىردەگى ءارالۋان تىرشىلىك يەلەرى كوپشىلىكتىڭ قىزىعۋشىلىعىن تۋدىرۋدا.
فەستيۆال اياسىندا اقش ەلشىلىگىنىڭ گرانتىنا سالىنعان ورنيتولوگيالىق ورتالىق تانىستىرىلدى. بۇل ورتالىقتىڭ جۇمىسى اسىرەسە, وقۋشىلاردىڭ قىزىعۋشىلىعىن تۋدىردى. ونىڭ دا سەبەبى بار. ۇستىمىزدەگى وقۋ جىلى ەلىمىزدىڭ بىرقاتار مەكتەپتەرىندە ەكولوگيالىق تاربيە باعدارلاماسى ەنگىزىلىپ وتىر. ال ورنيتولوگيالىق باقىلاۋدان الدەنەشە ءدارىس توپتاماسى قامتىلعان.
ۇيىمداستىرۋشىلاردىڭ ايتۋىنا قاراعاندا, كەلەر جىلى بۇل فەستيۆال حالىقارالىق دەڭگەيدە وتكىزىلمەك. ەرەسەكتەرمەن قوسا, جەتكىنشەكتەردى دە تارتۋ جوسپارلانۋدا. بيىل بالالار شىعارماشىلىق بايقاۋى وتكىزىلىپ, قورىتىندىسى شىعارىلدى. بايقاۋ بەينەلەۋ ونەرى, دەكوراتيۆتىك-قولدانبالى ونەر, قىسقامەترلى فيلم, فوتوسۋرەت جانە ەكولوگيالىق ەرتەگى اتالىمدارى بويىنشا وتكىزىلدى. جەڭىمپازداردىڭ سۋرەتتەرى قازاقستاننىڭ بيوارتۇرلىلىگىن ساقتاۋ قورىنىڭ كۇنتىزبەسىندە جاريالانباق.
بايقال ءبايادىل,
«ەگەمەن قازاقستان»
اقمولا وبلىسى,
قورعالجىن اۋدانى
