ءداستۇرلى «بىرلىك جارشىسى» جۋرناليستەر بايقاۋىنىڭ قورىتىندىسى جاريالاندى. قازاقستان حالقى اسسامبلەياسىنىڭ استانالىق فيليالى مەن استانا قالاسى اكىمدىگى جانىنداعى «قوعامدىق كەلىسىم» مەكەمەسى ۇيىمداستىراتىن بۇل بايقاۋ بيىل استانا قالاسىنىڭ 20 جىلدىق مەرەيتويىنا وراي ەتنوسارالىق كەلىسىم تاقىرىبى بويىنشا ءوتتى.
قازاقستاندىق پاتريوتيزم رۋحىندا تاربيەلەۋگە باعىتتالعان تالدامالى تۇرعىدا ۇزدىك ماتەريال بويىنشا 1-ورىندى كوكشەتاۋلىق «كوكشەتاۋ» گازەتىنىڭ ءجۋرناليسى گاككۋ اسىلبەكقىزى كورىنسە, قازاقستان حالقى اسسامبلەياسى سايتىنىڭ ءجۋرناليسى راۋان ەسقالي 2-ورىن, «الماتى اقشامى» گازەتىنىڭ ءجۋرناليسى ەرمەك جۇماحمەت ۇلى جۇلدەلى 3-ورىننان كورىندى.
ال قازاقستان حالقى اسسامبلەياسى قىزمەتىن كورسەتۋگە باعىتتالعان ۇزدىك ماقالالار بويىنشا «استانا اقشامىنىڭ» ءجۋرناليسى گۇلميرا ايماعانبەت ۇزدىك اتانسا, جۇلدەلى 2-ورىن «ەگەمەن قازاقستان» گازەتىنىڭ ءتىلشىسى ۆەنەرا تۇگەلبايدىڭ, 3-ورىنعا الماتىلىق «احىسكا» گازەتىنىڭ قىزمەتكەرى كالبينۋر حوشنازاروۆانىڭ بايقاۋعا جىبەرگەن ماقالالارى لايىق دەپ تانىلدى.
نازەركە جۇماباي,
«ەگەمەن قازاقستان»
