فورۋم دۇنيەجۇزىلىك دەنساۋلىق ساقتاۋ ۇيىمى, يۋنيسەف جانە قازاقستان ۇكىمەتىنىڭ قاتىسۋىمەن ۇيىمداستىرىلدى.
ق. ءابدىراحمانوۆ قازاقستان تاراپىنىڭ بالانىڭ قۇقىقتارىن قورعاۋ سالاسىنداعى حالىقارالىق مىندەتتەمەلەرگە تولىقتاي اينىماستىعىن باسا ايتىپ, وسى سالاداعى پرەزيدەنتتىڭ تاپسىرمالارىن ىسكە اسىرۋ تۋرالى اقپاراتپەن ءبولىستى. مينيستر يۋنيسەف-كە قازاقستانعا انا مەن بالا دەنساۋلىعى جانە بالالاردى قورعاۋ ماسەلەلەرىنە قولداۋ كورسەتكەنى ءۇشىن العىسىن ءبىلدىردى. بۇۇ بالالار قورىنىڭ قولداۋىمەن كامەلەتكە تولماعاندارعا قاتىستى سوت تورەلىگىن دامىتۋ جانە ءومىردىڭ بارلىق سالالارىندا بالالاردىڭ تەڭ مۇمكىندىكتەرىن جاساۋعا باعىتتالعان باعدارلامالار مەن جوبالار جۇزەگە اسىرىلۋدا.
گ. فور ەلىمىزدەگى دەنساۋلىق ساقتاۋ دەڭگەيىنىڭ جاعىمدى اسەرىمەن ءبولىسىپ, قازاقستان دامىپ كەلە جاتقان الەممەن ءوز تاجىريبەسىن بولىسۋگە جانە ونىڭ ورنىقتى دامۋىنا جاردەمدەسۋىنە تىلەگىن ءبىلدىردى.
تاراپتار دەنساۋلىق ساقتاۋ كىزمەتتەرىن جاپپاي قامتۋعا باعىتتالعان باعىتتى ىلگەرىلەتۋدە ءبىر-ءبىرىن قولداۋعا كەلىستى. استانا قالاسىندا قابىلدانعان دەكلاراتسيا 1978 جىلى الما-اتا تاريحي دەكلاراتسياسىنىڭ لوگيكالىق جالعاسى بولىپ تابىلادى جانە بۇرىنعى العاشقى مەديتسينالىق-سانيتارلىق كومەك جۇيەسىن نىعايتۋعا باعىتتالعان.
سونىمەن قاتار, قازاقستان يۋنيسەف-ءتىڭ بۇكىل الەمدەگى شيەلەنىس ايماقتارىنداعى بالالاردى قورعاۋداعى ءرولى مەن قىزمەتىنە ەرەكشە ءمان بەرەدى. ءوز كەزەگىندە, ۇيىم سيرياداعى جاعدايدى بەيبىت رەتتەۋ بويىنشا استانا پروتسەسىنە قىزىعۋشىلىق تانىتا وتىرىپ, ونىڭ شەڭبەرىندە جانجالداسۋشى تاراپتار بالالاردىڭ قۇقىقتارىن قامتاماسىز ەتۋ جانە ولاردى شيەلەنىس سالدارىنان قورعاۋ ءۇشىن ناقتى قادامدار جاساۋ قاجەتتىلىگى ايتىلدى.
