بۇل جولى جەرلەسىمىز اتر تىزىمىندە 76 ورىندا تۇرعان 21 جاستاعى رەسەي تەننيسشىسى اندرەي رۋبلەۆتان باسىم ءتۇستى. 1 ساعات 47 مينۋتقا سوزىلعان ماتچ 6:7, 6:4 ەسەبىمەن اياقتالدى. شيرەك فينالدا ميحايل كۋكۋشكين مارتون فۋچوۆيچپەن شەبەرلىك بايقاسادى. 26 جاستاعى ۆەنگريا تەننيسشىسى بيىل اۆستراليانىڭ اشىق بىرىنشىلىگىندە ءتورتىنشى كەزەڭگە دەيىن جەتىپ, كوپشىلىك نازارىن وزىنە اۋدارعان بولاتىن. قازىرگى كەزدە ول اتر رەيتينگىندە 40 ورىندى ەنشىلەۋدە. ال ۆەناداعى تۋرنيردە فۋچوۆيچ ەكى بىردەي اسا مىقتى تەننيسشى – بوسنيا مەن گەرتسەگوۆينا وكىلى دامير دجۋمحۋر (الەمنىڭ 51 راكەتكاسى) مەن يتاليالىق فابيو ءفونينيدى (الەمنىڭ 15 راكەتكاسى) ۇتتى.
ەستەرىڭىزگە سالا كەتەيىك, جۇلدە قورى 2 198 250 ەۆرونى قۇرايتىن ايتۋلى تۋرنير 28 قازاندا ءوز مارەسىنە جەتەدى.
عالىم سۇلەيمەن,
«ەگەمەن قازاقستان»
