− قۇرمەتتى اۋىل ەڭبەككەرلەرى! اگرارلىق سەكتور دامىعان قازاقستان ءۇشىن استىق جيناۋ ناۋقانى əردايىم ماڭىزدى وقيعا سانالادى. اۋا رايىنىڭ قولايسىزدىعىنا قاراماستان بيىلعى جينالعان مول ءونىم سىزدەردىڭ قاجىرلى ەڭبەكتەرىڭىز بەن كاسىبي بىلىكتىلىكتەرىڭىزدىڭ ناتيجەسى. 22 ملن توننادان استام ءدəندى جəنە ءدəندى-بۇرشاقتى داقىل جينالدى. بۇل ىشكى سۇرانىستى تولىق قامتاماسىز ەتىپ قانا قويماي, شەتەل نارىقتارىنا ۇلكەن كولەمدە استىق پەن ۇن ەكسپورتتاۋعا مۇمكىندىك بەرەدى. مۇنداي جوعارعى كورسەتكىش قازاقستاننىڭ əلەمدەگى ءىرى استىق ونىمدەرىن ءوندىرۋشى ەلدەردىڭ ءبىرى ەكەنىن تاعى دا ايعاقتاي تۇسەدى, – دەلىنگەن قۇتتىقتاۋدا.
ەلباسى اۋىل شارۋاشىلىعىندا جۇرگىزىلگەن جۇيەلى رەفورمالاردىڭ ارقاسىندا ستراتەگيالىق ماڭىزى زور سالانىڭ əلەۋەتى مەن ينۆەستيتسيالىق تارتىمدىلىعى ەداۋىر ارتقانىن دا اتاپ ءوتتى.
− مەملەكەت الداعى ۋاقىتتا دا اگروونەركəسىپ كەشەنىنە جان-جاقتى قولداۋ كورسەتىپ, زاماناۋي تەحنولوگيانى تارتۋعا, ەڭبەك ونىمدىلىگىن مولايتۋعا, ونىڭ جاھاندىق باسەكەگە قابىلەتتىلىگىن كۇشەيتۋگە جاعداي جاسايتىن بولادى. ەلىمىزدىڭ بارلىق ەڭبەككەرلەرىن 2018 جىلعى ەگىن وراعىنىڭ تابىستى اياقتالۋىمەن قۇتتىقتايمىن! قازاقستان حالقى سىزدەردىڭ ازىق-ت ۇلىك قاۋىپسىزدىگىن قامتاماسىز ەتىپ, ەكونوميكانىڭ وسۋىنە جəنە ەلىمىزدىڭ وركەندەۋىنە قوسقان ۇلەستەرىڭىزدى جوعارى باعالايدى», – دەلىنگەن قۇتتىقتاۋدا.
مەملەكەت باسشىسىنىڭ قازاقستان حالقىنا جولداۋىندا اۋىلشارۋاشىلىق ونەركاسىپ كەشەنىندەگى ەڭبەك ونىمدىلىگىن جانە وڭدەلگەن اۋىلشارۋاشىلىق ونىمدەرىنىڭ ەكسپورتىن 5 جىلدىڭ ىشىندە كەمىندە 2 جارىم ەسەگە ارتتىرۋ مىندەتى قويىلعان. بۇل مەجەگە قول جەتكىزۋ ءۇشىن اتالعان سالادا سەرپىندى باستامالار مەن تىڭ جوبالاردى جۇزەگە اسىرۋ قاجەتتىگى تۇسىنىكتى. ەكى كۇنگە سوزىلعان «Astana AgroForum-2018» شاراسىندا اگرارلىق سالا ماماندارى باس قوسىپ, اوك-ءتى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسىن كەڭىنەن تالقىلادى. سونىمەن قاتار «اوك ۇزاق مەرزىمدى باعدارلامالارى: مال شارۋاشىلىعى مەن وسىمدىك شارۋاشىلىعىنىڭ سالالىق باعدارلامالارى», «تۇقىم شارۋاشىلىعىنىڭ دامۋى», «جەردى ۇتىمدى پايدالانۋ», «اگرارلىق عىلىمنىڭ كاسىپپەن بىرىگۋى» تاقىرىپتارىندا پانەلدىك سەسسيالار ءوتتى.
جيىندا ءسوز العان پرەمەر-ءمينيستردىڭ ورىنباسارى – اۋىل شارۋاشىلىعى ءمينيسترى ومىرزاق شوكەەۆ اعىمداعى جىلدىڭ قورىتىندىسى بويىنشا قازاقستاننان شەت مەملەكەتتەرگە ەكسپورتتالعان ەت كولەمى 15 مىڭ تونناعا جەتكەندىگىن حابارلادى.
− ەت باعدارلاماسىنا سايكەس ماقساتىمىز – زاكىرلىك كووپەراتسيالار جۇيەسىن جانە شامامەن 100 مىڭ شاعىن وتباسىلىق فەرما قۇرۋ. كووپەراتسيا قۇرامىندا مال بورداقىلاۋ الاڭدارى مەن ەت كومبيناتتارى جۇمىس ىستەيتىن بولادى. ال ءسۇت سالاسىنداعى ماقساتىمىز – الداعى بەس جىلدا 1 ملن توننا ءسۇت ءوندىرۋ. مۇندا دا نەگىزگى تەتىك ءىرى ءسۇت-تاۋارلىق كومپانيالارمەن جۇمىس ىستەيتىن وتباسىلىق ءسۇت فەرمالارى بولماق, – دەدى ءو.شوكەەۆ.
ونىڭ ايتۋىنشا قازىرگى ۋاقىتتا بۇل باعدارلامالار جەمىس بەرىپ جاتىر. ماسەلەن, 2017 جىلى ەلىمىز 5,5 مىڭ توننا ءىرى قارا مال ەتىن ەكسپورتقا شىعارسا, وسى جىلدىڭ 9 ايىندا عانا ەكسپورتقا جونەلتىلگەن ەت كولەمى 11 مىڭ توننادان اسىپ جىعىلدى.
− ءبىز جىل سوڭىنا دەيىن 15 مىڭ توننا سيىر ەتىن ەكسپورتقا شىعارامىز دەپ تولىق سەنىممەن ايتا الامىز, – دەدى ءو.شوكەەۆ. ونىڭ ايتۋىنشا, قازاقستانننىڭ الداعى بەس جىلدا قۇس ەتىن وندىرۋدەگى الەۋەتى ارتىپ, كولەمىن 5 ەسە ۇلعايتۋ جوسپارلانىپ وتىر.
− وعان تولىق مۇمكىندىك تە بار. ماسەلەن, تاياۋدا ماكينسكىدە ءبىزدىڭ ولشەممەن وتە ۇلكەن سانالاتىن, جىلىنا 50 مىڭ توننا قۇس ءوتىن وندىرەتىن فابريكانى اشتىق, – دەدى ۇكىمەت باسشىسىنىڭ ورىنباسارى.
«Astana AgroForum-2018» شاراسى اياسىندا بىرىڭعاي اگرارلىق سالىق ەنگىزۋ جانە قازاقستان ازاماتتارى ءۇشىن عانا جەردى جالعا بەرۋ جونىندە ارنايى ينستيتۋت قۇرۋ تۋرالى ۇسىنىستار ايتىلدى. كەڭەس بارىسىندا اۋىل شارۋاشىلىعى مينيسترلىگى مەن «قازاقستاننىڭ ازاماتتىق اليانسى» ورتاق مەموراندۋم بەكىتتى.
ەركەجان ايتقازى,
«ەگەمەن قازاقستان»
