ەلباسىمىزدىڭ حالىققا ارناعان ءاربىر جولداۋى – ەلىمىزدى دامىتۋعا ارنالعان نەگىزگى قادام بولىپ تابىلادى. ماسەلەن, جولداۋدا «اقىلدى تەحنولوگيالار» مەن اگروونەركاسىپ كەشەنىن قارقىندى دامىتۋدىڭ مۇمكىندىگى جايلى كەڭىنەن ايتىلعان.
وسى ورايدا جاڭا تەحنولوگيالاردى پايدالانا وتىرىپ, قازاقستاندى جاڭا وزگەرىستەرگە بەيىمدەۋ, وزىمىزگە قاجەتتىسىن قولدانىسقا ەنگىزۋ اسا ماڭىزدى.
جالپى, ەلىمىزدىڭ دامىعان ەلدەر قاتارىنا كىرۋى ءۇشىن اۋىل شارۋاشىلىعى سالاسىندا عىلىممەن اينالىساتىن بىلىكتى مامانداردى دايىنداپ شىعارۋ كەزەك كۇتتىرمەيتىن ماسەلەلەردىڭ ءبىرى. ويتكەنى, اۋىل شارۋاشىلىعى باسەكەگە قابىلەتتىلىكتىڭ جوعارى دەڭگەيىن تالاپ ەتەتىن سالا.
مەنىڭ پىكىرىم بويىنشا, اۋىل شارۋاشىلىعى – ەكونوميكانىڭ نەگىزگى قوزعاۋشى كۇشى. مۇنى بارلىق جاستار تەرەڭ ءتۇسىنۋى ءتيىس. سوندىقتان بۇگىنگى ستۋدەنت ۋنيۆەرسيتەت قابىرعاسىنان العان بىلىمىمەن, العان ديپلومىمەن شەكتەلىپ قانا قويماي, دۇنيەجۇزىلىك قاتاڭ باسەكەگە توتەپ بەرۋگە بەيىمدەلۋى قاجەت. ەلباسى جولداۋىنىڭ ماڭىزدىلىعى دا وسىندا دەپ ويلايمىن. ويتكەنى, ايتىلعان اگروونەركاسىپتى, تەحنولوگيانى, جاڭا تەحنيكانى, ەڭبەك وزگەرىستەرىن, جاڭالىقتاردى, باسقا دا جاڭا جوبالاردىڭ بارلىعىن جۇزەگە اسىراتىن جاستار.
قازىرگى تاڭدا اۋىل شارۋاشىلىعى سالاسىنا جوعارى ءونىم الۋعا مۇمكىندىك بەرەتىن جاڭا تەحنيكالار, جاڭا وندىرىستىك تەحنولوگيالار ەنگەنىنە بايلانىستى, مەملەكەتىمىزگە اۋىل شارۋاشىلىعىن جاقسى مەڭگەرگەن ماماندىق يەلەرى وتە قاجەت بولىپ وتىرعانى انىق. سوندىقتان ەلىمىزگە ءوز كاسىبىن تەوريالىق جانە پراكتيكالىق تۇرعىدان تەرەڭ بىلەتىن جانە تۇسىنەتىن جاس ماماندار قاجەت.
مەن ءبىلىپ الىپ جاتقان وقۋ ورنى رەسپۋبليكاداعى ءاربىر ايماقتاردىڭ اكىمشىلىكتەرىمەن تىعىز قارىم-قاتىناس ورناتىپ, تاۋاروندىرۋشىلەرگە عىلىمي تاجىريبەلىك قىزمەت كورسەتۋدە. حارىقارالىق دەڭگەيدەگى عىلىمي-زەرتتەۋ جانە ءبىلىم بەرۋ بازاسىن قۇرۋدىڭ زاماناۋي تاسىلدەرىن مەڭگەرىپ, ستراتەگيالىق باعىتتا جۇيەلى دامۋ جۇيەسىن قالىپتاستىرا الۋى – ۋنيۆەرسيتەتىمىزدىڭ كەيىنگى كەزدەگى باستى جەتىستىكتەرىنىڭ ءبىرى. مۇنىڭ بارلىعى جولداۋدان تۋىندايتىن مىندەتتەردى ىسكە اسىرۋعا مۇمكىندىك بەرەدى.
نازەركە سۇلتانقىزى,
قازاق ۇلتتىق اگرارلىق ۋنيۆەرسيتەتى «اگروبيولوگيا» فاكۋلتەتىنىڭ ماگيسترانتى
الماتى
