− پرەزيدەنت بيىلعى جولداۋىندا حالىقتىڭ الەۋمەتتىك جاعدايى مەن تۇرمىس − تىرشىلىگىنە قاجەتتى ماسەلەلەردى تۇگەل قامتىپ شىقتى. اسىرەسە, ەلباسىنىڭ ەڭ تومەنگى جالاقىنى ارتتىرۋ, «پەداگوگ مارتەبەسى تۋرالى» زاڭ قابىلداۋ, ءبىلىم بەرۋ, مەديتسينالىق قىزمەت ساپاسىن ارتتىرۋ تۋرالى تاپسىرمالارى ماڭىزدى. مۇنىڭ بارلىعى حالىقتىڭ قىزىعۋشىلىعىن تۋدىرىپ, ولار جولداۋدى زور ىقىلاسپەن قابىل الدى.
بيىلعى جولداۋدىڭ تاعى ءبىر ەرەكشەلىگى — ء«وز جەرىڭدى تانىپ ءبىل» جاڭا باستاماسىنىڭ جۇزەگە اسۋى. بۇل ەلىمىز ءۇشىن وزەكتى ماسەلە - ءتۋريزمدى دامىتۋعا جاعداي جاسايدى, - دەدى وبلىستىق قوبىلاندى مەموريالدىق كەشەنىنىڭ ديرەكتورى ازامات قالماعامبەتوۆ.
دەپۋتاتتاردىڭ ايتۋىنشا, وسىعان دەيىن تۇرعىنداردان پەداگوگتاردىڭ ساپالىق قۇرامىن ارتتىرۋ, زەينەتكەرلىككە شىعاردا جانە جالاقىلارىن ەسەپتەگەندە ۇستازداردىڭ ەڭبەك ءوتىلىن ەسكەرۋ, شالعاي ەلدى مەكەندەردى گازداندىرۋ, جۇمىسسىزدىقتى ازايتۋ تۋرالى ماسەلەلەر قوزعالىپ, رۋحاني قۇندىلىقتار جونىندە اڭگىمە ءوربىدى.
- ەلباسى تاپسىرماسىنا وراي جاستاردىڭ جۇمىسسىزدىق ماسەلەسىن شەشۋ - ستراتەگيالىق مىندەت. اقپارات دەرەكتەرىنە سۇيەنسەك, ەلىمىزدەگى 18 ميلليون حالقىمىزدىڭ 4 ميلليونى جاستار. ال ولاردىڭ 5 پايىزى جۇمىسسىزدار قاتارىندا. كاسىبي باعدار بەرۋ ساباقتارىن مىندەتتى وقۋ باعدارلاماسىنا ەنگىزۋ - وقۋشىلاردىڭ قانداي ماماندىقتاردىڭ سۇرانىسقا يە بولاتىنىن انىقتاپ, قالاعان ماماندىعىن يگەرۋىنە جانە جاستار اراسىنداعى جۇمىسسىزدىق ماسەلەسىن وڭ شەشۋگە ىقپال ەتەدى.
سونداي-اق مۇعالىم - مەكتەپتىڭ جۇرەگى, بالا باعبانى. ۇستازدارىمىزدىڭ قوعامداعى ورنىن كوتەرۋ ماقساتىندا «پەداگوگ مارتەبەسى تۋرالى» زاڭ ءماجىلىس قابىرعاسىنا كەلەدى. ول پەداگوگتار اراسىندا ۇلكەن سەرپىلىس بولاتىندىعى انىق, - دەپ ءماجىلىس دەپۋتاتى باقىتگۇل حامەنوۆا ءبىلىم بەرۋ سالاسىندا اتقارىلاتىن ىستەرگە كەڭىرەك توقتالدى.
ءماجىلىس دەپۋتاتى قۇرالاي قاراكەننىڭ ايتۋىنشا, مەديتسينا سالاسىندا جالاقىنى كوتەرۋ ولاردى وقىتۋدىڭ جاڭا ادىستەرىنە قاراي 10 مىڭ ۋچاسكەلىك دارىگەر مەن 30 مىڭ مەدبيكەگە قاتىستى بولماق.
- اعىمداعى جىلى قاعازسىز دەنساۋلىق ساقتاۋ جۇيەسىنە كوشۋ بويىنشا پيلوتتىق جوبا اياقتالۋدا. ول پيلوتتىق ۇيىمداردىڭ 92 پايىزىندا ىسكە اسىرىلدى. 2019 جىلدىڭ 1 قاڭتارىنان باستاپ بارلىق ەمحانالار مەن اۋرۋحانالار مەديتسينالىق قۇجاتتامانى قاعازسىز جۇرگىزۋگە كوشەدى دەپ جوسپارلانۋدا, - دەدى قۇرالاي قاراكەن.
وسى كۇنى نۇروتاندىق دەپۋتاتتار اتاقتى تاريحي تۇلعا, جوڭعار مەن قالماقتارعا قارسى سوعىسقان قوبىلاندى باتىردىڭ مەموريالدىق كەشەنى مەن جيرەنقوپا ورتا مەكتەبىندە بولدى.
قازاقستاننىڭ كيەلى جەرلەر كارتاسىنا ەنگەن مەموريالدىق كەشەنگە وتكەن جىلى جوندەۋ جۇمىستارى جۇرگىزىلدى. ءارى اۋدان ورتالىعىنا قوبىلاندى باتىر, يساتاي باتىر ەسكەرتكىشتەرى قويىلدى, ماڭگىلىك ەل, وتان انا, التاي باتىر, ءاليا سكۆەرى سالىندى. ەكىنشى دۇنيەجۇزىلىك سوعىسقا قاتىسقان 2 400 قوبدالىق ازاماتقا ارناپ « ۇلى دالا دارابوزدارى» اتتا تاقتا ورناتىلدى. مۇنىڭ ءبارى «رۋحاني جاڭعىرۋ» باعدارلاماسى اياسىندا اتقارىلعان جۇمىس. بۇل كەزدەسۋ ءارى قاراي جالعاسادى. ءماجىلىس دەپۋتاتتارى 27 قازانعا دەيىن ىرعىز, مارتوك, بايعانين, حرومتاۋ, ايتەكە بي, مۇعالجار, العا اۋدانىنداعى اۋىل تۇرعىندارىمەن كەزدەسىپ, جەر-جەردەگى جاعدايمەن تانىسادى
تەمىر قۇسايىن,
«ەگەمەن قازاقستان»
