اقتاۋ قالالىق ءىىب اكىمشىلىك پوليتسيا ءبولىمىنىڭ جول جانە تەحنيكالىق ينسپەكتسيا بولىمشەسى جانە جپق جول-پاترۋلدىك پوليتسيا باتالونىمەن بىرلەسە وتىرىپ جۇرگىزگەن ءۇش كۇندىك شارادا اقتاۋ قالاسى بويىنشا اۆتوبۋس قۇرالدارىنىڭ قاتىسۋىمەن 62 جول ەرەجەسىن بۇزۋ فاكتىسى انىقتالىپ, اكىمشىلىك حاتتاما تولتىرىلدى. مىسالى, رەيس الدىنداعى مىندەتتى تەحنيكالىق جانە مەديتسينالىق قاراپ تەكسەرۋدەن وتپەگەن كۇيدە باسقارۋعا شىعارۋ بويىنشا 5 حاتتاما, ءتيىستى رۇقساتسىز قايتا جابدىقتاۋ بويىنشا 2, مىندەتتى تەحنيكالىق بايقاۋدان وتپەۋ تۋرالى 2, تەحنيكالىق جاعدايىنا جاۋاپتى لاۋازىمدى تۇلعالاردىڭ جانە كاسىپكەرلىك باسشىلاردىڭ اكىمشىلىك جاۋاپقا تارتىلعانى 3 حاتتاما تولتىرىلسا, ءارتۇرلى جول ەرەجەسىن بۇزعان جۇرگىزۋشىلەرگە 51 اكىمشىلىك حاتتامالار تولتىرىلعان.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
