اتالمىش مەكەمەنىڭ مəلىمەتىنشە, مەكتەپتەردە جوندەۋ جۇمىستارى وقۋ جىلىنىڭ باسىنا دەيىن جۇرگىزىلەدى. كۇردەلى جوندەۋگە جاتاتىن نىسانداردىڭ تىزبەسىن قالىپتاستىرۋ كەزىندە ءبىرىنشى كەزەكتە ىستىق نىساندار قارجىلاندىرىلادى, سونىمەن قاتار, ولارعا جۇمىستاردىڭ بارلىق تۇرلەرى بويىنشا الدىن الا قۇجاتتار əزىرلەنەدى.
«سوڭعى ءۇش جىلدا اقتوبە قالاسىنىڭ ءبىلىم بەرۋ ۇيىمدارىنىڭ كۇردەلى جəنە اعىمداعى جوندەۋ جۇمىستارىنا 1807, 0 ملن.تەڭگە ءبولىندى, ال ونىڭ ىشىندە اعىمداعى جىلى جوندەۋ جۇمىستارىنا 374 ملن.تەڭگە بولىنگەن بولاتىن. قارجىلىق قولداۋدى قامتاماسىز ەتۋ, ءبىلىم بەرۋ ۇيىمدارىنىڭ ماتەريالدىق-تەحنيكالىق بازاسىن نىعايتۋ جəنە ءبىلىم الۋشىلارعا قاجەتتى جاعداي جاساۋ ماقساتىندا قامقورشىلىق كەڭەستەر جۇمىس جاسايدى», - دەپ اتاپ ءوتتى باسقارمادا.
سونىمەن قاتار مەكەمەدە "ساندىق قازاقستان" باعدارلاماسىن جۇزەگە اسىرۋ بويىنشا دا بەلسەندى جۇمىس جۇرگىزىلىپ جاتقانىن, ونىڭ باستى باعىتتارىنىڭ ءبىرى, ءبىلىم بەرۋ جۇيەسىن دامىتۋ ەكەندىگى دە ايتىلدى.
ورتا ءبىلىم بەرۋدى اقپاراتتاندىرۋدى دامىتۋ ماقساتىندا وقۋ ورىندارىن كەڭ جولاقتى عالامتورمەن قامتاماسىز ەتۋگە جəنە اقپاراتتىق جۇيەلەردى تەحنيكالىق قامتاماسىز ەتۋگە قاراجات بولىنەدى. اعىمداعى جىلى اقتوبە قالاسىنىڭ مەكتەپتەرىنە جالپى سوماسى 339 ملن تەڭگەگە 1194 كومپيۋتەر جيىنتىعى, 260 اپپاراتتىق كەشەن, 8 ۋلتروفوكۋستى ينتەراكتيۆتى پروەكتور جيىنتىعى مەن 3D پرينتەرلەر جəنە روبوتوتەحنيكا ساتىپ الىندى. مەكتەپتەردى 100% كومپيۋتەرلىك تەحنيكامەن قامتاماسىز ەتۋ ماقساتىندا جىل سوڭىنا دەيىن قالا مەكتەپتەرىنە 465 ملن.تەڭگەگە 1860 كومپيۋتەر جەتكىزىلەتىن بولادى.
