جاستار كامەرالىق حور قۇرامىندا 32 جاس ونەرپاز بار. جاستار حورى حورمەيستەر گۇلميرا قۇتتىباداموۆا جەتەكشىلىگىمەن 20-عا جۋىق اندەر ورىندادى. وسى كەشتە تۇركى حالىقتارىنىڭ حور ۇجىمى قىرعىز, ازەربايجاننىڭ تاتاردىڭ تۇرىكتىڭ تۇرىكمەننىڭ وزبەك حالىقتارىنىڭ تىلىندە اندەر شىرقادى.
جالپى, تۇركسوي جاستار كامەرالىق حورى ونەر قايراتكەرى دۇيسەن قاسەيىنوۆتىڭ باستاماسى بويىنشا 2015 جىلى قۇرىلعان. ءازىربايجان, قازاقستان, قىرعىزستان, تاتارستان, تۇركيا ەلدەرىنەن مۋزىكالىق اكادەميا, كونسەرۆاتوريا تۇلەكتەرى مەن شاكىرتتەرىنەن قۇرالعان.
ارينە كۇندەلىكتى كەلىپ-كەتىپ جاتاتىن ۋ-شۋ, انشىلەردىڭ جەڭىل-جەلپى كەيبىر اندەرىنە قاراعاندا, تۇركى تىلىندە اندەر ورىندايتىن حوردىڭ اۋەندى پاراساتى ەرەكشە, وزگەشە بولەك. باسقا ءبىر الەمدە وتىرعانداي رۋحاني كۇي كەشىپ, دەمالاسىڭ.
حور ۇجىمى ازيا جانە ەۋروپا ەلدەرىندە دە ونەر كورسەتەدى. حور رەپەرتۋارىندا نەگىزىنەن تۇركى حالىقتارىنىڭ اندەرىنەن, تۇركى ەلدەرى زاماناۋي كومپوزيتورلارىنىڭ شىعارمالارىنان,باتىس ەۋروپالىق حور مۋزىكاسىنىڭ تۋىندىلارى بار.
وبلىس اكىمى بولات باقاۋوۆ تا حور كونتسەرتىن تاماشالاپ, اسەرلى مۋزىكا كەشى ءۇشىن العىسىن ءبىلدىرىپ, جاستار كامەرالىق حور ۇجىمىنا شىعارماشىلىق تابىس تىلەدى.
فاريدا بىقاي,
«ەگەمەن قازاقستان»
پاۆلودار
سۋرەتتى تۇسىرگەن ۆالەري بۋگاەۆ
