بريفينگ بارىسىندا ۆيتسە-مينيستر 2019 جىلعى 1-ءشى قاڭتاردان باستاپ قازاقستان مەديتسينالىق قىزمەتتەردى كورسەتۋدىڭ ەلەكتروندى فورماتىنا تولىق كوشەتىنىن اتاپ ءوتتى. بريفينگ اياسىندا مەديتسينالىق اقپاراتتىق جۇيەنى ەنگىزۋ, تسيفرلىق ساۋاتتىلىق ورىندارىنىڭ جۇمىسى, بازاسىندا ەلەكتروندى دەنساۋلىق تولقۇجاتى جاسالاتىن دەنساۋلىق ساقتاۋدىڭ ينتەگراتسيالىق تۇعىرناماسىن ورىستەتۋ جانە ت.ب. سياقتى ماسەلەلەر قارالدى.
ۆيتسە-مينيستر قازىرگى مەزەتتە حالىققا تسيفرلىق ماشىقتاردى ۇيرەتەتىن 546 تسيفرلىق ساۋاتتىلىق ورىندارىنىڭ اشىلعاندىعىن حابارلادى. بۇگىندە 6 ميلليونعا جۋىق ادام وقىتىلدى.
سونداي-اق, و.ابىشەۆ بازاسىندا ەلدىڭ مەديتسينالىق ۇيىمدارىنداعى پاتسيەنتتەردى تەكسەرۋدەن وتكىزۋ مەن ەمدەۋ ناتيجەلەرى, ونىڭ ىشىندە بۇرىن اۋىرىپ جازىلعان سوزىلمالى اۋرۋلار, دارىلىك زاتتارعا مۇمكىن بولاتىن اللەرگيالىق رەاكتسيا, تاماقتانۋ, ديەتا جانە ت.ب. بويىنشا بەرىلگەن ۇسىنىستار تۋرالى مالىمەتتەردى قوسا الاتىن ەلەكتروندى دەنساۋلىق ساقتاۋ تولقۇجاتى جاسالاتىن دەنساۋلىق ساقتاۋدىڭ ينتەگراتسيالىق تۇعىرناماسىن ورىستەتۋ تۋرالى باياندادى.
استانا قالاسىندا 25-26 قازان ارالىعىندا ماقساتى ەلەكتروندى دەنساۋلىق ساقتاۋدى دامىتۋ, تسيفرلىق يننوۆاتسيالار, ينفراقۇرىلىم جانە قاۋىپسىزدىك, مالىمەتتەردى تالداۋ, ينتەگراتسيا مەن ۇيلەسىمدىلىك سالاسىنداعى جەتىستىكتەر مەن تاجىريبەلىك شەشىمدەردى كورسەتۋ بولىپ تابىلاتىن «Astana Digital Health" حالىقارالىق ءىت-كورمەسى وتەدى.
