زاۋىتتاعى يننوۆاتسيالىق جاڭالىقتار سەناتورلاردىڭ نازارىنا ۇسىنىلدى. ء«بىزدىڭ زاۋىتىمىز جاڭا تەحنولوگيالاردى قولدانا وتىرىپ, كوپىرلەردىڭ ارالىق قۇرىلىسىنىڭ باعاسىن تومەندەتۋدى ۇسىنادى. بۇل ءوز كەزەگىندە, بيۋدجەت قاراجاتىن 30 پايىزعا دەيىن ۇنەمدەۋگە مۇمكىندىك بەرەدى», - دەدى زاۋىت ديرەكتورى شۋحرات شاردينوۆ.
سەنات دەپۋتاتتارى ءونىمنىڭ قازاقستاندىق ۇلەسىنىڭ پايىزىن ناقتىلاۋدى سۇرادى. زاۋىت باسشىلىعى قازاقستاننىڭ ۇزدىك وندىرۋشىلەرى وندىرگەن تسەمەنت, شاعىل جانە باسقا دا بارلىق ماتەريالدار پايدالانىلاتىنىن جەتكىزدى. ءوندىرىس ورنى ەلىمىزدە شىعارىلمايتىن يننوۆاتسيالىق جابدىقتى عانا سىرتتان الدىرۋعا ءماجبۇر.
«بۇگىن, ءبىز, كاسىپورىننىڭ تۇراقتى جۇمىس ىستەيتىنىنە كۋا بولدىق. زاۋىت شىعاراتىن ءونىم ەلىمىزدە عانا ەمەس, كورشى مەملەكەتتەردە پايدالاناتىنى قۋانتادى», - دەدى ت.مۇقاشەۆ.
زاۋىت قىزمەتكەرلەرىنىڭ الدىندا ءسوز العان د.نوكەتاەۆا كەزدەسۋ ەلباسىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» جولداۋى اياسىندا ءوتىپ جاتقانىن اتاپ ءوتتى. «زاۋىتتىڭ الەۋمەتتىك باعدارداعى كاسىپورىن ەكەنىنە كوز جەتكىزدىك. جۇمىسكەرلەر ءۇشىن بارلىق جاعداي جاسالعان: اسحانا, دۇكەن, مەديتسينا ورتالىعى, شاشتاراز جانە سپورتپەن اينالىسۋعا دا مۇمكىندىك بەرەتىن فيتنەس-زال بار. ءبىز سىزدەرمەن پىكىر الماسىپ, بۇگىنگى تاڭدا وتاندىق وندىرۋشىلەردى تولعاندىرعان ماسەلەلەردى شەشۋگە قولعابىس جاساۋعا ءازىرمىز», - دەدى سەناتور.
«زاۋىت ۇجىمى ەلباسىنىڭ جولداۋىن تولىق قولدايدى. جولداۋ بۇل – ءاربىر ازاماتتىڭ سوزدەن ناقتى ىسكە كوشۋدەگى نۇسقاۋلىعى. «نۇرلى جول» جانە «نۇرلى جەر» مەملەكەتتىك باعدارلامالارىنىڭ ورىندالۋ مەرزىمى 2025 جىلعا دەيىن ۇزارتىلدى دەگەن جاڭالىقتى زاۋىت قىزمەتكەرلەرى اسا قۋانىشپەن قابىلدادى. دەمەك, الداعى 7 جىلدا جول قۇرىلىسى سالاسىنىڭ جۇمىس كولەمى اۋقىمدى بولادى دەگەن ءسوز», - دەدى زاۋىت ۇجىمىنىڭ اتىنان «جاس وتان» ليدەرى دانيار يبراگيموۆ.
ساپار اياسىندا سەنات دەپۋتاتتارى باقىتجان جۇماعۇلوۆ, دينار نوكەتاەۆا مەن تولەۋبەك مۇقاشەۆ قازاق مەملەكەتتىك ايەلدەر پەداگوگيكالىق ۋنيۆەرسيتەتىنىڭ وقىتۋشى-پروفەسسورلار قۇرامىمەن جانە ستۋدەنتتەرمەن كەزدەستى.
