مۇنداي جاعدايدا تەتەل مامانىنىڭ قىزمەتى مەن جول شىعىنى مەملەكەت ەسەبىنەن تولەنەدى. ال ساراپشىدان تاجىريبە الاتىن كاسىپورىن ماماندى جاتىن ورىن, تاماقتانۋ, اۋدارماشىمەن قامتاماسىز ەتەدى.
تۇركيالىق مامان اقتاۋ قالاسىنداعى «بەرەكەت-ف» جشس-ءنىڭ ءسۇت زاۋىتىندا بولدى. ەندى «اقنەك» تاڭباسىمەن شىعارىلاتىن وتاندىق ونىمدەر جاڭاشا دامگە يە بولماق.
تۇرىك تەحنولوگى ياسين اكبابا - ءسۇت ونىمدەرىن دايىنداۋ سالاسىندا 20 جىلدان استام تاجىريبەسى بار بىلىكتى مامان. وسىعان دەيىن ۋكراينا, بولگاريا, تۇركيا سىندى ەلدەردە مول تاجىريبەسىمەن ءبولىسىپ ءجۇر. اقتاۋداعى 10 كۇندىك ساپارىندا ءسۇت ونىمدەرىنىڭ تىڭ رەتسەپتىمەن ءبولىسۋ, جاڭادان باستالعان كاسىپتى وركەندەتۋ, كاسىپورىندى باسقارۋ ءادىسىن ۇيرەتۋ, زاماناۋي قۇرالدارى ساتىپ الۋ, قوندىرۋ تاسىلدەرىن مەڭگەرتۋ, ءسۇت ونىمدەرىنىڭ سان ءتۇرى بويىنشا بيزنەس-كەڭەس, ماركەتينگ پەن ساپانى باقىلاۋ بارىسىن يگەرتۋ- نەگىزگى ماقسات.
-ەڭ ءدامدى ءسۇت ءونىمىنىڭ دايىندالۋ تاسىلدەرىن بىلەمىن. بۇل جولى سىر, ىرىمشىك, يوگۋرتتى تۇرىك ادىسىمەن ازىرلەۋدى ۇيرەتىپ جاتىرمىن. ماڭعىستاۋلىق ماماندار ايتقاندى ىنتامەن ورىنداپ ءجۇر. قازىر الەمدىك ءوندىرىس وزىق تەحنولوگياعا اۋىسىپ بارادى. زاۋىتتاردى زامان تالابىنان قالماي جەتىلدىرىپ وتىرۋ ءونىمنىڭ ساپالى بولىپ, باسەكەگە قابىلەتتىلىگىن ارتتىرادى, دەيدى ياسين اكبابا.
تەحنيكانىڭ ءتىلىن مەڭگەرگەن ياسين كوپتەن بەرى ءتىلىن بىلمەگەندىكتەن ىسكە قوسىلماي كەلگەن ءسۇت زاۋىتىنىڭ جاڭا كەشەنىن ىسكە قوسىپ بەرمەك. شەبەردىڭ كەلۋىمەن جاڭا قۇرالدار پايداعا استى. ءتىپتى ءونىمنىڭ جاسالۋ مەرزىمىن تاڭبالايتىن ءمور قۇرىلعىسى جوندەلدى. ءسويتىپ, ول كاسىپورىننىڭ ءبىراز شارۋاسىن شيراتتى.
-كاسىپكەرلەر پالاتاسى وسىمەن 3 جىل قاتارىنان شەتەل ماماندارىنان ۇيرەنۋ تاجىريبەسىن قولداپ كەلەدى. بيىلعى جىلدىڭ باسىنان بەرى ماڭعىستاۋ وبلىسىنا بىلىكتى 4 مامان كەلدى. ولار تۋريزم, ءدامحانا, اياق-كيىم ءوندىرىسى مەن ءسۇت ونىمدەرى سالالارىنىڭ دامۋىنا ىقپال ەتتى. جەرگىلىكتى مامانداردىڭ بىلىكتىلىگى ارتتى, دەيدى وڭىرلىك كاسىپكەرلەر پالاتاسىنىڭ 1-ساناتتى ساراپشىسى مۇرات توقسانباەۆ.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
