«قازگيدرومەت» مالىمەتتەرىنە ساي, سولتۇستىك قازاقستان, قاراعاندى, شىعىس قازاقستان وبلىستارىنىڭ كەي جەرلەرىنە تۇمان ءتۇسىپ, كوكتايعاق بولىپ, جەلدىڭ جىلدامدىعى سەكۋندىنا 15-20 مەترگە جەتەدى. شىعىس قازاقستان وبلىسىندا بوران سوعادى.
اقمولا وبلىسىنىڭ بىرقاتار اۋماقتارىندا تۇمان ءتۇسىپ, تۇندە بوران سوعادى, كوكتايعاق بولىپ, كۇندىز جەلدىڭ جىلدامدىعى سەكۋندىنا 15-20 مەترگە جەتەدى. الماتى وبلىسىنىڭ كەي جەرلەرىندە تۇمان ءتۇسىپ, جەلدىڭ جىلدامدىعى 15-20 م/س-قا جەتەدى. قوستاناي وبلىسىنىڭ باسىم بولىگىندە جەل سەكۋندىنا 15-20 مەتر جىلدامدىقپەن ۇيتقيدى. كەي جەرلەرگە تۇمان تۇسەدى. قىزىلوردا, اتىراۋ, باتىس قازاقستان, تۇندە پاۆلودار وبلىستارىنىڭ بىرقاتار اۋماقتارىندا تۇمان تۇسەدى.
جامبىل وبلىسىندا تۇندە جانە تاڭ اتا كەي جەرلەردە جەل سەكۋندىنا 15-20 مەتر جىلدامدىقپەن ەسەدى, ەكپىنى 23 مەترگە جەتەدى. جامبىل وبلىسىندا تۇندە قازاننىڭ 20-21 كۇندەرى بىرقاتار اۋماقتاردا 1-3 گرادۋس ارالىعىندا ۇسىك جۇرەدى.
