سۋرەتتەردى تۇسىرگەن د.كۋزميچەۆ
سەنات توراعاسى xالىقتىڭ ءال-اۋقاتىن ارتتىرۋ – مەملەكەتتىك ورگاندار مەن كومپانيالار جۇمىسىنداعى باسىم باعىت بولۋ كەرەكتىگىن اتاپ ءوتتى.
– جاڭا ساپالى كورسەتكىشتەرگە قول جەتكىزۋ ءۇشىن ءبىز كوپ جۇمىس ىستەۋىمىز كەرەك. جەتىستىكتەرگە توقمەيىلسىمەي, كوزبوياۋشىلىقپەن اينالىسپاي, تەك قانا ەڭبەك ەتۋىمىز كەرەك, – دەپ مالىمدەدى ق.توقاەۆ.
سونىمەن قاتار, سەنات توراعاسى كەزدەسۋ بارىسىندا الەۋمەتتىك ماڭىزدى جوبالاردى جىلدام جانە ناتيجەلى جۇزەگە اسىرۋ ءۇشىن ۇنەمدىلىككە ۇمتىلۋ كەرەكتىگىن ايتىپ, جوعارى لاۋازىمدى شەنەۋنىكتەردىڭ ادەپتەن وزباۋى, كاسىپكەرلەرگە قولايلى كليمات تۋدىرۋ جانە ەكولوگيا ماسەلەلەرى تۋراسىندا ءوزىنىڭ وي-تۇجىرىمىن ءبىلدىردى.
كەزدەسۋ سوڭىندا سەنات توراعاسى ءوڭىردىڭ الەۋمەتتىك-ەكونوميكالىق دامۋىنا قوسقان ۇلەسى ءۇشىن وبلىستىق ءماسليحات دەپۋتاتتارى ع.جارىلعاپوۆ پەن ت.تىلەمىسوۆكە, اباي اۋداندىق ءماسليحاتىنىڭ حاتشىسى ب.تسايعا, قاراعاندى مەملەكەتتىك مەديتسينالىق ۋنيۆەرسيتەتىنىڭ كافەدرا مەڭگەرۋشىسى ق.شاكەەۆكە جانە №38 گيمنازيانىڭ قازاق ءتىلى جانە ادەبيەتى ءپانىنىڭ مۇعالىمى ە.كەلماعامبەتوۆاعا قۇرمەت گراموتالارىن تابىس ەتتى.
بۇدان كەيىن قاسىم-جومارت توقاەۆ ە.بوكەتوۆ اتىنداعى قارمۋ-دىڭ ستۋدەنتتەرىمەن جانە وقىتۋشى-پروفەسسورلىق قۇرامىمەن كەزدەستى. مەملەكەت-جەكەمەنشىك ارىپتەستىك جەلىسى بويىنشا اشىلعان «لۋچ» نەيرووڭالتۋ ورتالىعىندا, «كازپلاست» جشس-ءىنىڭ زاۋىتىندا جانە باسقا دا نىسانداردا بولىپ, كاسىپورىنداردىڭ تىنىس-تىرشىلىگىمەن تانىستى.
قايرات ءابىلدا,
«ەگەمەن قازاقستان»
قاراعاندى
