«قازاقتى ءسۇيۋ» دەپ اتالعان شىعارماشىلىق كەشكە قالامگەرلەر مىرزاتاي جولداسبەكوۆ, تولەن ابدىك, قاجىعالي مۇحامەتقالي قاتىستى. اعا بۋىن وكىلدەرى قۇتتىقتاۋ سوزىندە امانگەلدى كەڭشىلىك ۇلىنىڭ جاس تا بولسا, قازاق ادەبيەتى سىنىنا ارالاسىپ, جاڭاشا باعىت اكەلگەنىن تىلگە تيەك ەتتى.
قالامگەردى مەرەيتويىمەن قۇتتىقتاعان «نۇر وتان» پارتياسى توراعاسىنىڭ ءبىرىنشى ورىنباسارى ماۋلەن اشىمباەۆ ا. كەڭشىلىك ۇلىن ارنايى العىس حاتپەن ماراپاتتادى.
«اكەم «اكەسى دوستىڭ بالاسى دا دوس» دەپ ءجيى ايتۋشى ەدى. بۇگىن بەلگىلى قالامگەر امانگەلدى كەڭشىلىك ۇلىنىڭ 50 جىلدىق مەرەيتويىنا ارنالعان شىعارماشىلىق كەشتە وسى ءبىر ءسوز قايتا-قايتا سانامدا جاڭعىرىپ تۇردى. سەبەبى, اكەم ساعات اشىمباەۆ ابەكەڭنىڭ اكەسى, قازاقتىڭ ايتۋلى اقىنى كەڭشىلىك مىرزابەكوۆپەن ۇزەڭگى قاعىستىرعان جولداس, دوس بولاتىن», دەدى ماۋلەن اشىمباەۆ.
سونداي-اق, م. اشىمباەۆ قۇتتىقتاۋ سوزىندە «امانگەلدى كەڭشىلىك ۇلى اكە ءىزىن لايىقتى جالعاپ, قازاق ادەبيەتىندە وزىندىك ورنى مەن قولتاڭباسىن قالىپتاستىرعان قالامگەر. ونىڭ سىن جانرىنداعى ەڭبەكتەرى مەن ەسسەلەرى ءوزىنىڭ تەرەڭ مازمۇنىمەن وقىرمانداردى قالىڭ ويعا جەتەلەيتىنى ءسوزسىز»» دەپ اتاپ ءوتتى.
قازاقستان پەن كلۋبىنىڭ پرەزيدەنتى بيگەلدى عابدۋللين ماعجان جۇماباەۆ اتىنداعى التىن مەدالدى تاپسىرىپ, تەمىر تۇلپار مىنگىزدى.
«ەگەمەن قازاقستان» اق باسقارما توراعاسى دارحان قىدىرالى مەرەيتوي يەسىن قۇتتىقتاپ, اق جارما تىلەگىن ارنادى. «ەل گازەتى ەگەمەننىڭ «جان ساراي» ايدارىنا شىققان سۇحباتىڭىز ارقىلى بۇگىنگى مەرەيلى كۇنىڭىزدى 200 مىڭ وقىرمانعا سۇيىنشىلەپ جەتكىزدىك. امانگەلدى كەڭشىلىك ۇلىنىڭ بولمىسىنداعى ادىلەتتىلىك, شىنشىلدىق قاسيەتتەرى ونى كوپ قالامگەردەن دارالاپ كورسەتەدى. جوعارى ينتەللەكتۋالدىق قاسيەتىڭىزبەن əدەبيەتىمىزگە قىزمەت ەتە بەرىڭىز», دەدى دارحان قىدىرəلى.
اتىراۋ وبلىسى اكىمى نۇرلان نوعاەۆتىڭ قۇتتىقتاۋ حاتىن اقىن اليا داۋلەتباەۆا جەتكىزىپ, تەمىر تۇلپار مىنگىزدى. تۋعان جەرى قوستاناي وبلىسىنان كەلگەن قوناقتار دا ىزگى لەبىزىن ءبىلدىردى.
ايتا كەتەيىك, امانگەلدى كەڭشىلىك ۇلىنىڭ «اق جاۋىن», «قارلىعاش-داۋرەن», ء«سوز پاتشاسى», «قازاقتى ءسۇيۋ», اقيىق اقىن مۇقاعالي ماقاتاەۆتىڭ شىعارماشىلىعىنا ارنالعان «ماڭگىلىك ساۋلەسى», «جۇرەك ءسوزى», «پاراسات بيىگى», «رۋح جىرى» جانە «تۇراقسىز الەمنىڭ سۋرەتكەرى» سياقتى زەرتتەۋلەرى, ەسسەلەرى, سىني ماقالالارى توپتاستىرىلعان كوپتەگەن كىتاپتارى وقىرمان كوڭىلىنەن ەرەكشە ورىن العان.
اقمارال اعزامقىزى,
«ەگەمەن قازاقستان»
