ميريام بالالارعا تەك ساباق ۇيرەتىپ قانا قويماي, اۋىلدىڭ قايناعان تىرشىلىگىنە بەلسەنە ارالاسىپ ءجۇر. اۋىل تۇرعىندارى دا ونى ءجيى وتباسىلىق مەرەكەلەرگە, تويعا, ەكسكۋرسيالارعا قاتىسۋعا ءجيى شاقىرىپ تۇرادى. سونداي-اق ول بوس ۋاقىتىن جەرگىلىكتى جاتتىعۋ زالىندا يوگا جاتتىقتىرۋشىسى رەتىندە وتكىزەدى.
«وقۋشىلارىم كەرەمەت. وتە تاربيەلى, بىلىمگە قۇشتار, ساباقتا مۇقيات تىڭداپ, كوپ نارسە ۇيرەنۋگە تىرىسادى. كۇندە تاڭەرتەڭنەن باستاپ جۇزدەگەن بالا قۇشاقتاپ راحمەتىن ايتادى. مەن ءۇشىن ەڭ ۇلكەن جەتىستىك - وسى. اۋىل تۇرعىندارى اقجارقىن, اشىق, وتە قوناقجاي. كەلەسى جىلى دا كەلۋگە قارسى ەمەسپىن», دەيدى امەريكالىق قىز.
سونداي-اق ەرىكتىلەر قاتارىندا گارۆارد ۋنيۆەرسيتەتىنىڭ ستۋدەنتى كەننەت پالمەر دە بار. ول قازىر قاراعاندى وبلىسىنىڭ وساكاروۆكا اۋدانىندا وقۋشىلارعا اعىلشىن ءتىلىن تەگىن ۇيرەتىپ ءجۇر.
ايتا كەتەيىك, «English for Jastar» جوباسى پيلوتتىق ۇلگىدە ەلىمىزدىڭ 100-دەن استام مەكتەبىندە «جاس وتان» جاستار قاناتى مەن «Bolashaq» قاۋىمداستىعىنىڭ باستاماسىمەن ىسكە قوسىلدى. وسى جىلى العاش رەت جۇزەگە اسقان «English for Jastar» جوباسى بويىنشا 9 شەتەلدىك جانە 146 قازاقستاندىق ەرىكتى ەلىمىزدىڭ مەكتەپ وقۋشىلارىنا اعىلشىن ءتىلىن ۇيرەتۋگە, سويلەۋ داعدىلارىن دامىتۋعا كومەكتەسۋ ءۇشىن 2 ايعا شالعاي اۋىلدارعا اتتانعان.
