سەناتور قالاداعى ءا.بوكەيحانوۆ اتىنداعى مەكتەپ-ليتسەيدە بولىپ, ونداعى مۇراجاي مەن حورەوگرافيالىق زالدى, كىتاپحانا مەن وقۋ سىنىپتارىن ارالاپ كوردى. مارتەبەلى مەيمانعا ينفورماتيكا, فيزيكا جانە جاڭا ۇلگىدەگى بيولوگيا, ينتەللەكتۋم جانە روبوت تەحنيكاسى كابينەتتەرى تانىستىرىلىپ, وقۋشىلار وزدەرىنىڭ داعدىلارى مەن قابىلەتتەرىن كورسەتتى.
ر.ابدىكەروۆ مەكتەپتىڭ ۇستازدار قاۋىمىمەن كەزدەسۋ بارىسىندا جولداۋدا مەملەكەت باسشىسى العا قويعان نەگىزگى مىندەتتەردى جان-جاقتى ءتۇسىندىردى. اسىرەسە, حالىقتىڭ تابىس دەڭگەيى مەن ءبىلىم بەرۋ سالاسىنداعى قىزمەت ساپاسىن ارتتىرۋ ماسەلەلەرى كەڭىنەن تالقىلاندى. ەلباسىنىڭ تاپسىرماسىن ورىنداۋ اياسىندا پەداگوگتاردىڭ مارتەبەسىن, ەڭبەكاقىسىن, ءبىلىم بەرۋ ساپاسىن ارتتىرۋ, سونداي-اق وقۋشىلارعا جانە مۇعالىمدەرگە قاجەتتى جاعدايلار جاسالاتىنى, مەكتەپكە دەيىنگى ءبىلىم بەرۋدى قامتۋىن كەڭەيتۋ جونىندە جۇمىستار جۇرگىزىلەتىنى اتالىپ ءوتىلدى. سەناتور ەلباسىنىڭ جولداۋى – مەملەكەتىمىزدىڭ ۇزاق جىلدارعا دامۋ قارقىنى بەلگىلەنگەن ماڭىزدى ستراتەگيالىق قۇجات ەكەنىن ايتتى. ر.ابدىكەروۆ ايماقتاعى ءبىلىم بەرۋ ۇيىمدارىندا قولعا الىنعان جۇمىستاردى جوعارى باعالاپ, ءبىلىم بەرۋ ءبولىمىنىڭ باسشىلىعىنا ريزاشىلىعىن ءبىلدىردى.
قالالىق پروكۋراتۋرادا قۇقىق قورعاۋ ورگاندارىنىڭ قىزمەتكەرلەرىمەن بولعان كەزدەسۋدە سەناتور جوعارعى پالاتاداعى كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىندە اتقارىلعان جۇمىستار تۋرالى حاباردار ەتتى. ساپار اياسىندا سەناتور «Atletik» سپورتتىق-ساۋىقتىرۋ كەشەنى مەن «ماتيۋحين» قۇرىلىس ماتەريالدارىن ءوندىرۋ كاسىپورىنى سەكىلدى شاعىن جانە ورتا بيزنەس نىساندارىندا, «كاپۋستا» جەكەمەنشىك بالالار باقشاسىندا بولدى.
قايرات ءابىلدا,
«ەگەمەن قازاقستان»
قاراعاندى
