ايماق باسشىسى وبلىس ورتالىعىندا سالىنىپ جاتقان ەكى نىساننىڭ - مامانداندىرىلعان حقكو مەن وقۋشىلار سارايىنىڭ قۇرىلىسىن تەكسەردى.
مامانداندىرىلعان حقكو قۇرىلىسى 90%-عا اياقتالدى, جىل سوڭىنا دەيىن پايدالانۋعا بەرىلەدى.
جاڭا حقكو اتىراۋ-استراحان تاس جولى بويىنان بولىنگەن 4 گا جەر ۋچاسكەسىنە سالىنعان. مۇندا اۆتوكولىك قۇرالدارىن تىركەۋ, تىركەۋ تۋرالى كۋالىك پەن مەملەكەتتىك ءنومىر بەلگىسىن بەرۋ, جولدا ءجۇرۋ ەرەجەلەرى, اۆتوكولىك جۇرگىزۋ بويىنشا تەوريالىق جانە تاجىريبەلىك ەمتيحاندار قابىلداۋ, جۇرگىزۋشىلىك كۋالىك دايىنداۋ جانە بەرۋدى جۇزەگە اسىرادى. سونىڭ ناتيجەسىندە ەكى ساعات ىشىندە اۆتوكولىكتى تىركەپ, جۇرگىزۋشىلىك كۋالىك الۋعا مۇمكىندىك بولادى.
- مامانداندىرىلعان حقكو اشىلعان كەزدە نۇرسايا ىقشام اۋدانىنداعى پوليتسيا بولىمشەسىنىڭ جۇمىسى جەڭىلدەيدى, تىركەۋ-ەمتيحان الۋ ءبولىمى جاڭا نىسانعا كوشەدى. اتالعان پوليتسيا بولىمشەسىنە كولىك كوپ باراتىندىقتان, كولىك تىعىنى كوپ بولاتىن,- دەيدى «ازاماتتارعا ارنالعان ۇكىمەت» مەملەكەتتىك كورپوراتسياسى» كوممەرتسيالىق ەمەس اق اتىراۋ وبلىسى بويىنشا فيليالى دەپارتامەنتىنىڭ باسشىسى تۇرلان نۇرجانوۆ.
جاڭا ورتالىقتىڭ سىيىمدىلىعى 800 ادام, عيمارات ەكى قاباتتى جانە جەرتولە قاباتى بار. ساپالى قىزمەت الۋعا بارلىق مۇمكىندىك قاراستىرىلعان - جەڭىل اۆتوكولىكتەرگە ارنالعان 200 ورىن, جۇك كولىكتەرىنە ارنالعان 20 ورىن بار. 20 ورىن مۇمكىندىگى شەكتەۋلى ادامدارعا ارنالعان. اۆتودروم, موتودروم, اۆتوكولىكتى تەحنيكالىق بايقاۋدان وتكىزۋ عيماراتى, ەكى باقىلاۋ-وتكىزۋ بولىمشەسى دە بار.
وبلىس اكىمى بارعان ەكىنشى نىسان - جاستار مەن وقۋشىلار سارايى.
نىسان اۋەجايعا بارار جولدىڭ سول قاپتالىندا, مۇز سارايىنىڭ وڭتۇستىك-شىعىس بەتىندە ورنالاسقان. ۋچاسكە اۋماعى 3,5 گا.
ساراي عيماراتى ءتورت قاباتتى, جەرتولە قاباتى مەن تەحنيكالىق عيماراتتان قۇرادى.
جاڭا جاستار مەن وقۋشىلار سارايىندا بالالار مەن جاسوسپىرىمدەردى دامىتۋعا بارلىق جاعداي جاسالادى - مۋزىكالىق, سپورتتىق, كورمە زالدارى, وقۋ كابينەتتەرى مەن زەرتحانالار.
- وقۋشىلار مەن جاستار سارايى ايماقتاعى وسكەلەڭ ۇرپاقتىڭ جان-جاقتى دامۋىنىڭ ناعىز ورتالىعى بولادى. مۇندا وبلىستىڭ بارلىق اۋداندارىنىڭ بالالارى تالانتتارىن شىڭداي الادى, ساراي تاربيەلەنۋشىلەرى ءوڭىرىمىزدى حالىقارالىق مادەني, عىلىمي, سپورتتىق شارالاردا لايىقتى كورسەتەتىندەرىنە سەنەمىز - دەدى نۇرلان نوعاەۆ.
جۇمىس ساپارىن قورىتىندىلاعان وبلىس اكىمى قاراماعىنداعىلارعا بارلىق ءجۇرىپ جاتقان قۇرىلىس جۇمىستارىن ۋاقىتىندا جانە ساپالى اياقتاۋدى تاپسىردى.
