«كاۋسار-بۇلاق» الەۋمەتتىك كومەك كورسەتۋ ورتالىعى» قوعامدىق بىرلەستىگىنىڭ پرەزيدەنتى ۇلداناي قامباروۆا:
«كاۋسار-بۇلاق» الەۋمەتتىك كومەك كورسەتۋ ورتالىعى» قوعامدىق بىرلەستىگى پرەزيدەنتكە, ۇكىمەتكە, پرەزيدەنت اكىمشىلىگىنە, ۇلتتىق بانككە جانە ۇلتتىق بانكتىڭ قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ جانە سىرتقى كوممۋنيكاتسيالار باسقارماسىنا ءوزىنىڭ كەزەكتى العىسىن بىلدىرەدى. سىزدەرگە جانە سىزدەردىڭ قىزمەتكەرلەرىڭىزگە ۇلكەن العىسىمىزدى بىلدىرگىمىز كەلەدى. بۇگىن قازاقستاندا بورىشكەر ازاماتتاردىڭ كەپىلدەگى جىلجىمايتىن مۇلكىن ساقتاۋ جونىندەگى يپوتەكالىق پروبلەمالار وڭتايلى شەشىلۋدە, بورىشتىق جۇكتەمە ازايتىلدى, پايىزدىق مولشەرلەمە تومەندەتىلدى جانە كرەديتتەۋ مەرزىمى 20 جىلعا دەيىن ۇزارتىلدى. سىزدەردىڭ ەلىمىزدىڭ يپوتەكا الۋشىلارىنىڭ پروبلەمالارىن شەشۋدەگى اۋىر ەڭبەكتەرىڭىزگە ريزامىز. سىزدەرگە زور دەنساۋلىق, ۇزاق ءومىر جانە بارلىق ىستەرىڭىزگە بەرەكە تىلەيمىز. بۇل ماسەلە تۇپكىلىكتى شەشىلدى دەۋگە بولمايدى. يپوتەكالىق قارىز الۋشىلاردى ودان ءارى قورعاۋ جانە جالعىز باسپانانى ساقتاۋ بويىنشا الدا ءالى دە بىرلەسىپ ۇلكەن جۇمىس جاساۋىمىز قاجەت.
«ارنامىس-5» توراعاسى قاناعات تاكەەۆا:
«مۇمكىندىكتى پايدالانا وتىرىپ پرەزيدەنتكە, ونىڭ ازاماتتاردىڭ ءومىرىن جاقسارتۋعا دەگەن نيەتى ءۇشىن جانە ۇلتتىق بانكتىڭ باسشىسىنا پرەزيدەنتتىڭ تاپسىرمالارىن جەدەل ىسكە اسىرعانى جانە قارىز الۋشىلارعا ادامگەرشىلىكپەن قاراعانى ءۇشىن العىسىمدى بىلدىرگىم كەلەدى. ءبىزدىڭ يپوتەكالىق ەپوپەيامىز شامامەن 11 جىلعا سوزىلدى. ول بولاشاققا دەگەن ءۇمىتسىز, قالىپتى ومىرگە ورالۋعا دەگەن تۇسپالسىز ءومىر سۇرگەن جىلدار بولدى. ادامنىڭ ەركىن قوزعالىسسىز, ءوز ءومىرىنىڭ عانا ەمەس, ءوز بالالارىنىڭ ءومىرى مەن بولاشاعىن ەركىن جوسپارلاي الماي, بۇكىل مۇلكىمەن قوسا تىيىممەن ءومىر ءسۇرۋى قورقىنىشتى. ءبىزدىڭ پرەزيدەنتىمىز ۇكىمەتتەن شاعىن جانە ورتا بيزنەسكە قولداۋ كورسەتۋ جونىندە شارالار ازىرلەۋدى ۇنەمى تالاپ ەتىپ وتىرادى, بىراق قابىلدانىپ جاتقان شارالار كاسىپكەرلەر وبەكتىلەرىنىڭ كوپشىلىگى 2005 جىلدان بەرى ەكىنشى دەڭگەيدەگى بانكتەردە ولاردىڭ پروبلەمالىق قارىزدارىن قامتاماسىز ەتۋ رەتىندە, وبەكتىلەردىڭ ءبىر بولىگى ناۋبايحانالار, كونديتەرلىك ورتالىقتار, بالاباقشالار, شارۋا قوجالىقتارى, ەلەۆاتورلار جانە باسقا دا كوپتەگەن وبەكتىلەر بانكتەردىڭ بالانسىنا قابىلدانعانىن ەسكەرمەيدى. بانكتەردىڭ بورىشتاردى ءوندىرىپ الۋ جونىندەگى جۇمىسىنا بايلانىستى كاسىپكەرلەر ءوز جۇمىستارىن توقتاتىپ, بۇل وبەكتىلەردى قالدىرۋعا ءماجبۇر بولادى. قىزمەت كورسەتىلمەگەننەن كەيىن بۇل وبەكتىلەر جارامسىز بولىپ قالادى. بۇل كاسىپكەرلەر مەملەكەتتىڭ قولداۋىنا, بيزنەستى قالىپقا كەلتىرۋ ءۇشىن جاعدايلاردىڭ جاسالۋىنا مۇقتاج. ۇكىمەتكە كاسىپكەرلەرگە قولداۋ كورسەتۋ جانە كوممەرتسيالىق وبەكتىلەردى وڭالتۋ جونىندەگى قاناتقاقتى جوبانى ىسكە قوسۋدى ۇسىنامىز, ول بانكتەردەگى ءوتىمسىز اكتيۆتەردى ازايتۋعا, شاعىن جانە ورتا بيزنەسكە قولداۋ كورسەتۋگە, حالىقتى جاڭا جۇمىس ورىندارىمەن قامتاماسىز ەتۋگە جانە ەلدىڭ ەكونوميكاسىن كوتەرۋگە مۇمكىندىك بەرگەن بولار ەدى».
دۋمان اناش
«ەگەمەن قازاقستان»
