ابدراحمان اسىلبەكوۆ 1938 جىلى 1 مامىردا جامبىل وبلىسى تالاس ءاۋدانى ۇشارال اۋىلىندا دۇنيەگە كەلگەن. قازپي-ءدىڭ تاريح-فيلولوگيا فاكۋلتەتىن بىتىرگەننەن كەيىن مەكتەپتە مۇعالىم بولعان. اقىن اسپيرانتۋرادا وقىعان, وبلىستىق گازەتتە, رەسپۋبليكالىق قازاق راديوسىندا, قازاق كسر مينيسترلەر كەڭەسىنىڭ باسپا, پوليگرافيا جانە كىتاپ ساۋداسى ىستەرى جونىندەگى مەملەكەتتىك كوميتەتىندە قىزمەت جاساعان.
1955 جىلى «بەيبىتشىلىك باقشاسى», «جاۋدى اياعان جارالى» سياقتى تىرناقالدى شىعارمالارى باسىلعان. بالالارعا ارنالعان العاشقى ولەڭدەر جيناعى 1961 جىلى جارىق كورگەن. سودان بەرگى ۋاقىتتا 31 جىر كىتابىن شىعاردى. ليريكا, ءان ماتىندەرىن جازىپ, ساتيرا جانە اۋدارما جانرلارىمەن دە اينالىسىپ كەلەدى. كوپتەگەن بايقاۋلاردىڭ جەڭىمپازى, جۇلدەگەر.
