ءمينيستردىڭ ايتۋىنشا, ەلباسى العا قويعان مىندەتتەردى ىسكە اسىرۋ ءۇشىن 2019-2021 جىلدارعا ارنالعان رەسپۋبليكالىق بيۋدجەتكە قاجەتتى وزگەرىستەر ەنگىزىلگەن.
− مەملەكەت باسشىسىنىڭ جولداۋىنداعى تاپسىرمالاردى ورىنداۋ ءۇشىن ۇكىمەت تاراپىنان ءۇش جىل مەرزىمگە 1,288 ترلن تەڭگە قاراستىرىلادى. وسى مەرزىم ارالىعىندا رەسپۋبليكالىق بيۋدجەتتەن 966,1 ملرد تەڭگە بولىنەدى, دەدى ءا.سمايىلوۆ.
بۇل قاراجات ەڭ تومەنگى جالاقى مولشەرىن, وڭدەۋشى ونەركاسىپ پەن ەكسپورتتى, شاعىن جانە ورتا بيزنەستى, اگروونەركاسىپ كەشەنىن دامىتۋعا, تۇرعىن ءۇي نەسيەسىنىڭ قولجەتىمدىلىگىن ارتتىرىپ, تۇرعىنداردىڭ تۇرمىس جاعدايىن جاقسارتۋعا, ءبىلىم بەرۋ مەكەمەلەرىنىڭ قۇرىلىسى مەن بالالاردىڭ قاۋىپسىزدىگىن قامتاماسىز ەتۋگە جۇمسالماق. سونداي-اق قارجى ءمينيسترى ەڭ تومەنگى جالاقىنى ۇلعايتۋ ءۇشىن ءۇش جىلدا 288,9 ملرد تەڭگە نەمەسە جىل سايىن 96,3 ملرد تەڭگە قاراستىرىلىپ وتىرعانىن جەتكىزدى. قارجى ءمينيسترى كەلتىرگەن مالىمەت بويىنشا ەلىمىزدە ورتاشا ەڭبەكاقى 2019 جىلى 9,1 پايىزعا ءوسىپ, حالىقتىڭ ناقتى تابىسىنىڭ ءوسىمى 4,6 پايىزدى قۇرايدى. بۇعان قوسا, الداعى ءۇش جىلدا شاعىن جانە ورتا بيزنەستى دامىتۋعا 90 ملرد تەڭگە نەمەسە جىل سايىن 30 ملرد تەڭگەدەن قاراستىرىلسا, اگروونەركاسىپتىك كەشەندى دامىتۋعا ءۇش جىلعا 300 ملرد تەڭگە نەمەسە جىل سايىن 100 ملرد تەڭگە بولىنەدى.
«نۇرلى جەر» مەملەكەتتىك باعدارلاماسى بويىنشا 650 مىڭنان استام تۇرعىن ءۇي سالۋ كوزدەلىپ وتىر, «7–20–25» باعدارلاماسى اياسىندا الداعى بەس جىلدا 100 مىڭنان استام وتباسى باسپانالى بولادى. 3 جىل ىشىندە ارەندالىق ءۇي قۇرىلىسىن ۇلعايتۋعا 30 ملرد تەڭگە بولىنەدى, وسىلايشا 250 مىڭنان استام وتباسىنىڭ تۇرعىن ءۇي جاعدايىن جاقسارتۋعا مۇمكىندىك بەرىلمەك. بالالار قاۋىپسىزدىگىن قامتاماسىز ەتۋ, سونىمەن قاتار مەكتەپ پسيحولوگتارىنىڭ جۇمىسىن كۇشەيتۋ اياسىندا 16,8 ملرد تەڭگە, ياعني جىل سايىن 5,6 ملرد تەڭگە جۇمسالادى.
ەركەجان ايتقازى,
«ەگەمەن قازاقستان»
