تاياۋدا دۇنيەجۇزىلىك ەكونوميكالىق فورۋم 2018-2019 جىلدارعا ارنالعان جاھاندىق باسەكەگە قابىلەتتىلىك يندەكسىنىڭ جىل سايىنعى رەيتينگىن رەسمي تۇردە جاريالاعان بولاتىن. وندا قازاقستان 140 ەلدىڭ ىشىندە 59-ورىنعا تابان تىرەگەنى كورسەتىلگەن. بۇل كورسەتكىش بىلتىرعى دەڭگەيمەن سايكەس.
ايتا كەتەرلىگى, باسەكەگە قابىلەتتىلىك فاكتورىنىڭ اياسىندا قازاقستانداعى «تاۋارلار نارىعى», «ينفراقۇرىلىم», «ەڭبەك نارىعى», «قارجىلىق جۇيە» سىندى باعىتتار وڭ باعالاندى. سونىمەن قاتار ەلىمىز 2017 جىلمەن سالىستىرعاندا 0,7 بالعا جوعارىلاپ, جالپى كورسەتكىش 61,8 بال قۇرادى. بۇل ناتيجە ارقىلى قازاقستان تىزىمدەگى كولۋمبيا, تۇركيا, پەرۋ سىندى ەلدەردەن وق بويى وزىق تۇر.
دۇنيەجۇزىلىك ەكونوميكالىق فورۋم قازاقستاندى «ەڭبەك نارىعى» بويىنشا 30-ورىنعا, «بيزنەستىڭ قارقىندىلىعى» بويىنشا 37-ورىنعا, «نارىق كولەمى» بويىنشا 45-ورىنعا, ء«بىلىم جانە داعدىلار» بويىنشا 57-ورىنعا, «تاۋارلار نارىعى» بويىنشا 57-ورىنعا, «ينستيتۋتتار» بويىنشا 61-ورىنعا, «ماكروەكونوميكالىق تۇراقتىلىق» بويىنشا 62-ورىنعا, «ينفراقۇرىلىم» بويىنشا 69-ورىنعا لايىقتى دەپ تاپتى.
جيىندا ت.سۇلەيمەنوۆ باسەكەگە قابىلەتتىلىكتىڭ جەكەلەگەن باعىتتارى بويىنشا ودان ءارى ءوسۋ ءۇشىن ۇكىمەت بىرقاتار پارمەندى شارالار قابىلداپ جاتقانىن اتاپ ءوتتى.
ەركەجان ايتقازى,
«ەگەمەن قازاقستان»
