سامميت ۇرانى – «ەۋروپا مەن ازيا – الەمدىك ماسەلەلەردى شەشۋشى جاھاندىق سەرىكتەستەر», ال جيىننىڭ نەگىزگى ماقساتى – الەم كۇنتىزبەسىندەگى ماسەلەلەر بويىنشا پوزيتسيالاردى كەلىسۋ.
«ازيامەن قارىم-قاتىناستى دامىتۋ باستى نازارىمىزدا. ولارمەن تەك بايلانىس ورناتىپ قويماي, قاۋىپسىزدىك ماسەلەسى بويىنشا دا سەرىكتەستىك قۇرماقپىز. اسىرەسە كحدر-مەن كەلىسىمگە كەلۋ مۇمكىندىگىمىز بار. وڭتۇستىك كورەي پرەزيدەنتىمەن دە كورەي تۇبەگىندەگى سوڭعى جاعدايلارعا بايلانىستى كەلىسسوزدەر بولادى. ساۋدانى دامىتۋ جولعا قويىلدى», دەدى ەۋروپا ديپلوماتياسى باسشىسى فەدەريك موگەريني.
«ەۋروپا» عيماراتىندا ءوتىپ جاتقان سامميت قوناقتارىن ەۋروكەڭەس باسشىسى دونالد تۋسك, ەۋروكوميسسيا توراعاسى جان-كلود يۋنكەر كۇتىپ الدى. مالايزيا مەملەكەتىنىڭ ۆيتسە-پرەمەرى ۆان ازيزا يسمايل:
ء«بىز – ازيا مەن ەۋروپا اراسىن قۇراۋشىمىز. مەنىڭ ويىمشا, ءبىر-بىرىمىزگە كومەكتەسىپ, بىرلەسە جۇمىس جاساۋىمىز كەرەك. وسىلاي ەركىن ءارى ءادىل ساۋدا نارىعىن قالىپتاستىرۋ مۇمكىندىگىمىز بولادى. بۇل ەكونوميكانىڭ دامۋىنا, مەملەكەتتەردىڭ ءبىر بىرىنە كومەكشى بولۋىنا الىپ كەلەدى», دەدى.
«بريۋسسەلدە جينالعان مەملەكەت پەن ۇكىمەت باسشىلارى اراسىندا كەلىسپەۋشىلىكتەر دە تۋىندادى. دەگەنمەن, «ەۋروپا مەن ازيا بىرىگۋى ءتيىس. ويتكەنى بىرىككەن وداق عانا قيىندىقپەن كۇرەسە الادى», دەدى دونالد تۋسك جيىن العىسوزىندە. ەۋروكوميسسيا باسشىسى سامميت سوڭىندا ورتاق دەكلاراتسيا قابىلداۋ نيەتىمەن ءبولىستى.
