ايماقتار • 19 قازان، 2018

ورالدا اسسامبلەيا مۇشەلەرى كەڭەستى

237 رەتكورسەتىلدى

ورال قالاسىنداعى دوستىق ۇيىندە باتىس قازاقستان وبلىسىنىڭ اكىمى، باتىس قازاقستان وبلىستىق قازاقستان حالقى اسسامبلەياسىنىڭ توراعاسى التاي كولگىنوۆتىڭ توراعالىعىمەن اسسامبلەيانىڭ كەڭەيتىلگەن كەڭەسى ءوتتى.

ماڭىزدى جيىنعا باتىس قازاقستان وبلىستىق باسقارما باسشىلارى مەن وكىلدەرى، قالا جانە اۋداندار اكىمدەرى، باتىس قازاقستان وبلىسى قازاقستان حالقى اسسامبلەياسى قۇرىلىمدىق بولىمشەلەرى، ەتنومادەني جانە قوعامدىق بىرلەستىكتەر، بۇقارالىق اقپارات قۇرالدارى وكىلدەرى قاتىستى.

كەڭەستىڭ كۇن تارتىبىندە باتىس قازاقستان وبلىسى قازاقستان حالقى اسسامبلەياسى سەسسيالارىنىڭ، كەڭەستەرىنىڭ شەشىمدەرىنىڭ ورال قالاسىندا ورىندالۋى، 2019 جىلعا ارنالعان مەملەكەتتىك الەۋمەتتىك جوبالاردى بەكىتۋ، قوعامدىق كەلىسىم كەڭەستەرى قاتىسۋىمەن اۋدان مەن اۋىلدىق وكرۋگتەردەگى جەرگىلىكتى بيۋدجەتتى ءتيىمدى پايدالانۋدىڭ ەرەجەسىن بەكىتۋ، باتىس قازاقستان وبلىسى «جاڭعىرۋ جولى» جاستار قوزعالىسىنىڭ 2019 جىلعا ارنالعان جۇمىس جوسپارى، باتىس قازاقستان وبلىسى قازاقستان حالقى اسسامبلەياسى ەتنومادەني بىرلەستىكتەرىن قوعامدىق اككرەديتاتسيالاۋ كوميسسيا مۇشەلەرىنىڭ قۇرامىن بەكىتۋ جانە اسسامبلەيا كەڭەسىنىڭ جانە قۇرىلىمدىق بولىمشەلەرىنىڭ قۇرامىنا وزگەرىستەر ەنگىزۋ تۋرالى ماسەلەلەر قارالدى.

جيىندا باتىس قازاقستان وبلىسى اكىمى اپپاراتى «قوعامدىق كەلىسىم» مەكەمەسىنىڭ باسشىسى مەدحات قامبەتوۆ 2019 جىلى وتكىزۋ جوسپارلانعان 15 مەملەكەتتىك الەۋمەتتىك جوبانى كەڭەس مۇشەلەرىنە تانىستىرىپ ءوتتى. مۇنىڭ ىشىندە «ۇزدىك ەلدىمەكەن»، «شەكارا جۇرەكتەردى بولمەيدى»، «بابالاردىڭ كوزىندەي قاسيەتتى دومبىرا»، «العىس ايتۋ كۇنى» سياقتى شارالار بۇرىننان داستۇرگە اينالعان. سونىمەن قاتار «مىقتى ەلدىڭ مىقتى ادامدارى»، «ۇلت قازىناسى»، «ەتنوفەشن» ءسان فەستيۆالى سياقتى بىرقاتار جاڭا جوبا بيىل تۇڭعىش رەت قولعا الىنعالى وتىر.

الداعى 2019 جىلدىڭ جاستارعا ارنالاتىنىن ەلباسىمىز جولداۋدا جاريالاعان ەدى. باتىس قازاقستان وبلىستىق «جاڭعىرۋ جولى» جاستار قوزعالىسىنىڭ توراعاسى ۆلاديمير شەك «جاستار جىلى» اياسىندا ءوڭىردىڭ بارلىق اۋىل-ايماعىن قامتيتىن كەشەندى شارالار ۇيىمداستىرىلاتىنىن ايتادى.

ورال قالاسىنىڭ اكىمى مۇرات مۇقاەۆتىڭ ايتۋىنشا، قالا اۋماعىندا باتىس قازاقستان وبلىستىق قازاقستان حالقى اسسامبلەياسىنىڭ سەسسيالارى مەن كەڭەستەرى شەشىمدەرى دەر كەزىندە، تولىعىمەن ورىندالىپ كەلەدى. قالا ىرگەسىندەگى زاچاگانسك، كرۋگلووزەرنوە، جەلاەۆ كەنتتەرىندە جانە ورال قالاسىنداعى 78 كاسىپورىن-ۇيىمدا قوعامدىق كەلىسىم كەڭەسى قۇرىلعان.

– ءبىزدىڭ جاستارىمىز وتە تالانتتى. ولار وسى قابىلەتى مەن ءبىلىمىن ودان ءارى دامىتا بەرۋىنە ءبىز بارلىق جاعداي جاسايمىز. ۇرپاقتار ساباقتاستىعى، ءداستۇر جالعاستىعى ۇزىلمەۋى ءتيىس، - دەدى ءوز سوزىندە ءوڭىر باسشىسى التاي كولگىنوۆ.

باتىس قازاقستان وبلىسى اكىمىنىڭ مالىمدەۋىنشە، كەڭەستە كوتەرىلگەن ماسەلەلەردىڭ ءبارى دە كەلەشەك جۇمىستاردى اتقارۋدا ەسكەرىلەتىن بولادى. «مۇنىڭ ءبارى وڭىردە ۇلتارالىق، دىنارالىق كەلىسىمدى ساقتاۋعا قولعابىس ەتەدى. قوعامنىڭ ءاربىر مۇشەسى ەل ازاماتى رەتىندە قازاقستاننىڭ تاۋەلسىزدىگى مەن تۇراقتىلىعىنا، بەيبىتشىلىكتىڭ ساقتالۋىنا قىزمەت ەتۋى ءتيىس» دەپ قورىتىندىلادى كەڭەس وتىرىسىن التاي كولگىنوۆ.

قازبەك قۇتتىمۇرات ۇلى

«ەگەمەن قازاقستان»

باتىس قازاقستان

سوڭعى جاڭالىقتار

ەگەمەندىكتەر ەلگە شىقتى

قازاقستان • بۇگىن، 11:19

ەلوردا ورتالىعىندا اۆتوكولىك ورتەندى

قازاقستان • 15 قاراشا، 2019

ءباسپاسوز ءرولى – باستى ماسەلە

ادەبيەت • 15 قاراشا، 2019

قازاقستانعا شەتەلدىك بانكتەر كەلەدى

ەكونوميكا • 15 قاراشا، 2019

قوستاناي فيلارمونياسىنا 75 جىل تولدى

رۋحانيات • 15 قاراشا، 2019

جاڭا ۇلگىدەگى كولىكتەر

قوعام • 15 قاراشا، 2019

ۇقساس جاڭالىقتار