كەلىسىم جۇكتەردى تاسىمالداۋ كولەمىن ارتتىرۋ, قازاقستان اۋماعى ارقىلى قحر – كوۋۆولا باعىتىنداعى قىزمەت كورسەتۋ مەن جەتكىزۋ لوگيستيكالىق تىزبەگىن دامىتۋ ماقساتىندا جاسالدى.
مەملەكەت باسشىسىنىڭ ساپارىنا ورايلاستىرىپ حەلسينكي (فينليانديا) – حەفەي (قحر) جاڭا تۇراقتى باعىتقا كونتەينەرلىك پويىز جونەلتىلدى. اتالعان باعىت بويىنشا ايىنا 8 كونتەينەرلىك پويىز تاسىمالدايدى دەپ جوسپارلانعان.
وتكەن جىلى كوۋۆول – سيان باعىتى بويىنشا العىشقى كونتەينەرلىك پويىز جولعا شىققاندىعىن قاپەرگە سالا كەتەيىك. وسىلايشا, قازاقستان اۋماعى ارقىلى سكانديناۆيا, فينليانديا رىنوگىندا تاسىمال ءوسىمىنىڭ ديناميكاسى بايقالدى.
«وتكەن جىلى قىتاي – قازاقستان – فينليانديا» باعىتى بويىنشا 30 تارتا كونتەينەرلىك پويىزدار جونەلتىلگەن. اعىمداعى جىلدىڭ باسىنان باستاپ اتالعان باعىت بويىنشا 46 كونتەينەرلىك پويىز جونەلتىلگەن. جىل سوڭىنا دەيىن ءبىز جۇكتاسىمالى كولەمىنىڭ ارتقانىن كۇتەمىز. ءبىزازيا ەلدەرى مەن فينليانديا اراسىنداعى تاسىمال الەۋەتىن بىرلەسە جۇزەگە اسىرۋ ءۇشىن ۇلكەن مۇمكىندىكتەرگە يەمىز», دەپ اتاپ كەتتى «قتج» ۇك» اق باسشىسى قانات الپىسباەۆ.
حەلسينكيدە «قازاقستان تەمىر جولى» ۇك» اق باسشىسى قانات الپىسباەۆ «VR Group» تەمىرجول كومپانياسىنىڭ باس ديرەكتورى يانسسون رولفپەن كەزدەستى.
كەزدەسۋ بارىسىندا تاراپتار اعىمداعى جاعداي تۋرالى جانە كولىك-لوگيستيكالىق سالاداعى ىڭتىماقتاستىقتى دامىتۋ پەرسپەكتيۆالارى جونىندە پىكىر الماستى.
2017 جىلى قىتاي – قازاقستان – فينليانديا باعىتىنا 31 كونتەينەرلىك پويىز (2496 جفە), ال 2018 جىلدىڭ 8 ايىندا 46 كونتەينەرلىك پويىز (3848 جفە) جونەلتىلگەن.
تاراپتاردىڭ پايىمىنشا, تەمىرجول اكىمشىلىكتەرى باسشىلارىنىڭ تۇراقتى كەزدەسۋى تۋىنداعان ماسەلەلەردى جەدەل شەشۋگە جانە جۇك تاسىمالى كولەمىنىڭ ارتۋىنا ىقپال ەتەتىن بولادى.
ق.الپىسباەۆ سونىمەن قاتار قازاقستان اۋماعى ارقىلى قحر جونەلتىلەتىن نەگىزگى جۇك – تسەلليۋلوزا شىعاراتىن Innovation Oy كومپانياسى باسشىسىمەن كەلىسسوز جۇرگىزدى.
«Nurminen Logistics Serveces» كومپانياسىنىڭ باسشىسى وللي پوحيانۆيرتامەن بولعان كەزدەسۋدە قىتاي – قازاقستان – فينليانديا باعىتى بويىنشا جانە كەرى باعىتتا جۇك تاسىمالىن دامىتۋدىڭ وڭ ديناميكاسى اتاپ ءوتىلدى.
