مەملەكەتتىك-جەكەمەنشىك ارىپتەستىك اياسىندا زاماناۋي ۇلگىدە سالىنعان سپورت كەشەنىنىڭ قۇرىلىس جۇمىستارىنا 2 ميلليارد 640 ميلليون تەڭگە جۇمسالدى. 7238 شارشى مەتر اۋماقتى الىپ جاتقان ورتالىق 4 جابىق جانە 3 اشىق تەننيس كورتىنان تۇرادى. ترەناجەر زالى, مەديتسينالىق قوسىن, كيىنەتىن, جۋىناتىن بولمەلەر, كونفەرەنتس زال, ءدامحانا, نۇسقاۋشىلار كابينەتتەرى جۇمىس ىستەيدى. ۆولەيبول, باسكەتبول سياقتى سپورت تۇرلەرىمەن دە شۇعىلدانۋعا بولادى. تريبۋنا1200 ادامعا لايىقتالعان.
تەننيس ورتالىعىنىڭ قۇرىلىسىنا «ForteBank» اق-ى قارجى قۇيدى.
«مۇندا «ITF», «ATF» حالىقارالىق تالاپتاتارىنا ساي تۋرنيرلەر وتكىزۋگە بولادى», دەيدى قازاقستان تەننيس فەدەراتسياسى پرەزيدەنتىنىڭ ورىنباسارى دياس دوسقاراەۆ.
كەشەننىڭ ديرەكتورى نۇرلان ءابدىراحمانوۆتىڭ ايتۋىنشا, قازىردىڭ وزىندە 250 بالا تەننيسپەن اينالىسۋعا تىلەك بىلدىرگەن.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
