ونىڭ ءبىرى - «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان» باعدارلاماسى بويىنشا نەسيە الىپ, شارۋاسىن دوڭگەلەتىپ وتىرعانداردىڭ ءبىرى «ايبەك» شارۋا قوجالىعىن قۇرعان وسكەنوۆ امانگەلدىنىڭ كاسىبى. وسكەنوۆ اعىمداعى جىلدىڭ مامىرىندا «اۋىل شارۋاشىلىعىن قارجىلاي قولداۋ قورى» اق مف –نان 6%-بەن 4 000 000 تەڭگە نەسيە العان. بۇل قاراجاتقا شارۋا قوجالىعىنىڭ باسشىسى 5 باس بوتالى تۇيە ساتىپ العان. ەكىنشىسى- رامازانوۆ ايسا باسشىلىق ەتەتىن «رامازان بالالارى» شارۋا قوجالىعى. بۇل قوجالىق تا جوعارىدا اتاپ وتىلگەن «اۋىل شارۋاشىلىعىن قارجىلاي قولداۋ قورىنىڭ» كومەگىمەن قارجىلانعان. سۇرالعان 4 000 000 تەڭگە نەسيەگە 11 باس سيىر جانە جوعارى اسىل تۇقىمدى بۇقا مالىن جانە جەم ءشوپ ساتىپ الۋعا جۇمساعان.
مۇنايلى اۋدانىنىڭ مال شارۋشىلىعىمەن اينالىساتىن كاسىپكەرلەرى جالپى شوپكە سۋبسيديا بەرىلسە ەكەن دەيدى. ويتكەنى جەم-ءشوپ سىرتتان, باسقا ايماقتان اكەلىنەدى. ءشوپتىڭ ءبىر ورامى 700-800 تەڭگە بولسا, جەمنىڭ ءبىر قاپشىعى 1000 تەڭگە. باياندى اۋلىنداعى كوشەنىڭ ءبىر جاعىنداعى سۋ تۇرعىندارعا تەكشە مەترى 30 تەڭگەدەن بەرىلەدى. ال كوشەنىڭ ەكىنشى بەتىندەگى شارۋا قوجالىعىنا سۋدىڭ تەكشە مەترى 580 تەڭگەدەن بەرىلەدى.
«اۋىل شارۋاشىلىعىن قارجىلاي قولداۋ قورى» ماڭعىستاۋ وبلىستىق فيليالىنىڭ نەسيە ءبولىمىنىڭ باسشىسى شولپان دۇسەنباەۆا ەكى شارۋاشىلىققا كورسەتىلگەن كومەك تۋرالى اڭگىمەلەدى. ونىڭ ايتۋىنشا, اگروونەركاسىپ كەشەنىن دامىتۋ باعدارلاماسى بويىنشا ازىق-ت ۇلىكتى كوبەيتۋ قاجەت.
- شارۋالار مالدىڭ ازىعى مەن سۋىنا كەرەكتى قاراجات الۋ ءۇشىن قۇجاتتارىن تاپسىرىپ, كومەك الا الادى. دەگەنمەن, باعدارلاماعا 1 عانا رەت قاتىسۋعا مۇمكىندىك بار. شارۋاشىلىق يەلەرىنىڭ ەكەۋى دە 5/50 باعدارلاماسى بويىنشا مۇناي مەكەمەلەرىنەن جۇمىستان شىعىپ, العان اقشالارىنىڭ ءبىر بولىگىنە وسى شارۋاشىلىقتاردى اشقان جانە «اۋىل شارۋاشىلىعىن قارجىلاي قولداۋ قورى» كومەگىمەن شارۋاشىلىعىن دوڭگەلەتىپ وتىر. بەرىلگەن نەسيەنىڭ ماقساتتى تۇردە جۇمسالۋىن قاداعالاۋ ماقساتىندا بىزدەر ارا-تۇرا شارۋاشىلىقتارعا مونيتورينگ جۇرگىزىپ تۇرامىز, -دەدى ول.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
