- ەكى كوماندا دا جاقسى وينادى. تارتىستى ماتچ ءوتتى. بىزدە بار مۇمكىندىكتەردىڭ ءبىرازى گولعا اينالمادى. قاقپامىزعا بولماشى گول جىبەرىپ الدىق. ال جالپى فۋتبولشىلاردىڭ كورسەتكەن ونەرىنە ريزامىن.
- الاڭعا الماسىپ كىرگەن ويىنشىلار قارقىندى كۇشەيتە الدى ما؟ جالپى ولاردىڭ ويىنى كوڭىلىڭىزدەن شىقتى ما؟
- ەكىنشى تايمدا ويىنشىلاردى الماستىرۋعا اسىقپادىم. ويتكەنى, ويىن جاقسى ءوتىپ جاتتى. بىراق الاڭعا الماسىپ كىرگەن ويىنشىلار ويىندى قاتتى كۇشەيتتى دەي المايمىن.
- اندوررامەن بولعان ماتچتان كەيىن دە شابۋىل شەبىندە ماسەلەلەر كوپ دەپ اقتالىپ ەدىڭىز؟ ەندى وسى جاعدايدان كەيىن قانداي شەشىم شىعاراسىز؟
- شابۋىل شەبىندە بىزدە ماسەلە كوپ. ارينە, اندورراعا ستاندارتتان گول سوققانىمىزدا بۇلايشا سويلەپ وتىرماس ەدىك. جالعىز وزگەرىس جاساۋعا بولادى. ول قازىرگى قۇرامعا الىنعان قوسالقى ويىنشىلاردى الماستىرىپ شىعارۋ. ودان باسقا قازاقستاندا مىقتى شابۋىلشىلار جوق. ەلدەگى ەڭ مىقتى ويىنشىلار وسىندا ءجۇر. بۇل ءبىزدىڭ باستى پروبلەمامىز. اندروررانى سەنىمدى تۇردە جەڭۋىمىز كەرەك بولسا, بۇگىن لاتۆيانىڭ مىقتى قارسىلاس ەكەنىن بايقادىق.
- تۋرنيرلىك ماڭىزدىلىق قالماسا الداعى ويىنداردا قانداي وزگەرىستەر جاساۋىڭىز مۇمكىن؟
- جاقىن ارادا كوماندانى جاسارتا بەرەتىنىم انىق. الداعى ەكى ءۇش ويىندا كوپ نارسە وزگەرتكىم كەلمەدى. جاستار قۇراماسىنداماعان ۇنايتىن 3-4 ويىنشى بار. ولار جاقىن ارادا قۇراماعا الىنادى. ۇلتتىق قۇرامانى دامىتۋ ماقساتىندا كەرەكتى ويىنشىلاردى الۋعا تىرىسامىز. گرۋزيانىڭ جەڭىسىنەن كەيىن, ەكى كوماندا دا كەلەسى كەزەڭگە وتەتىن ەشقانداي مۇمكىندىك قالمادى. سوندىقتان دا, قالعان ويىنداردا ەكسپەريمەنتتىك جاعدايلار ورىن الارى تۇسىنىكتى.
