28 قىركۇيەك, جۇما كۇنى يندونەزيانىڭ ورتالىق سۋلاۆەسي پروۆينتسياسىندا ەكى رەت جەر سىلكىندى. ونىڭ بىرەۋىندە جەر سىلكىنىسىنىڭ قۋاتى 7,7 بالعا جەتتى. جەر سىلكىنىسىنەن كەيىن پروۆينتسيانىڭ ورتالىعى سانالاتىن پالۋ قالاسىندا بيىكتىگى 2 مەترلىك كۇشتى تسۋنامي باستالدى تابيعات اپاتتارىن باسقارۋ جونىندەگى ۇلتتىق اگەنتتىكتىڭ (BNPB) مالىمەتىنشە, تسۋناميدەن قازا تاپقاندار سانى 420 ادامعا جەتتى.
ودان بولەك, پالۋ قالاسىنىڭ 540 تۇرعىنى جاراقات العان. جەر سىلكىنىسى مەن تسۋناميدەن زارداپ شەككەندەردى كوشىرۋ, جەكە باسىن انىقتاۋ شارالارى ءالى دە جالعاسىپ جاتىر.
«الدىن الا مالىمەت بويىنشا, تابيعات اپاتىنان جاپا شەككەندەر مەن قايتىس بولعاندار اراسىندا قازاقستاندىقتار جوق» دەلىنگەن قر سىرتقى ىستەر مينيسترلىگى تاراتقان اقپاراتتا. كونسۋل يندونەزيانىڭ تابيعات اپاتتارىن باسقارۋ جونىندەگى ۇلتتىق اگەنتتىگىمەن ۇنەمى بايلانىستا.
