قازاقستان تەاترلار پراكتيكاسىنا تەاتردىڭ زاماناۋي فورمالارىن تانىستىرۋ مەن ەنگىزۋگە, ەلىمىزدەگى بارلىق درامالىق جانە مۋزىكالىق-درامالىق تەاترلاردىڭ دامۋى مەن بايلانىسىن نىعايتۋعا, تالانتتى شىعارماشىل جاستارعا قولداۋ كورسەتۋگە, تەاتر رەجيسسەرلەرى مەن ونەر قايراتكەرلەرىنىڭ كاسىبيلىگىن ارتتىرۋعا جانە تاجىريبە الماسۋعا باعىتتالعان رەسپۋبليكالىق پراكتيكۋمنىڭ ەلىمىزدىڭ تۇكپىر-تۇكپىرىنەن رەجيسسەرلەر مەن اكتەرلەر قاتىسىپ جاتىر.
پراكتيكۋمنىڭ باستى قوناقتارى – شوتا رۋستاۆەلي اتىنداعى تبيليسي مەملەكەتتىك تەاتر جانە كينو ۋنيۆەرسيتەتىنىڭ رەكتورى, ا.س.گريبوەدوۆ اتىنداعى ورىس دراما تەاترىنىڭ باس رەجيسسەرى, پروفەسسور مارگۆەلاشۆيلي گەورگي نوداروۆيچ پەن حالىقارالىق تەاتر فەستيۆالىنىڭ «ۇزدىك ستسەنوگرافيا» نوميناتسياسىنىڭ جەڭىمپازى, الەمدىك پراگا كۆادريەننالە لاۋرەاتى تامارا وكيحيان.
اتالمىش پراكتيكۋمعا قاتىسۋشىلار ا.چەحوۆتىڭ «اپالى ءسىڭىلىلى ۇشەۋ» پەساسى نەگىزىندە ۇزىندىلەر كورسەتىپ, پراكتيكالىق جۇمىس ىستەيدى. شارا سوڭىندا پراكتيكۋم قاتىسۋشىلارىنا ارنايى سەرتيفيكات تابىستالادى.
ايتا كەتەيىك, ەلىمىزدىڭ تەاتر ونەرى قايراتكەرلەرىنىڭ جانە شەتەل شەبەرلەرىنىڭ قاتىسۋىمەن وتەتىن رەسپۋبليكالىق پراكتيكۋم 1 قازانعا دەيىن جالعاسادى.
