مەرەكە قارساڭىندا م. وتەمىسوۆ اتىنداعى وقۋشىلار سارايىندا پەداگوگتارعا قۇرمەت كورسەتۋ سالتاناتى بولىپ ءوتتى. عيماراتتىڭ زالىنا استانالىق ءبىلىم ۇيىمدارىنىڭ, قالالىق ءبىلىم بەرۋ مەكەمەلەرىنىڭ جەتەكشىلەرى مەن قوعامدىق ۇيىمداردىڭ وكىلدەرى جينالدى. 100-دەن استام استانالىق پەداگوگ ەرەكشە اتالدى. ولاردى قر ءبىلىم جانە عىلىم مينيسترلىگىنىڭ جانە استانا قالالىق ءبىلىم باسقارماسىنىڭ قۇرمەت گراموتاسىمەن, العىس حاتتارمەن ماراپاتتادى.
ء«بىزدىڭ استانامىزدىڭ دامۋى, الەمدىك ارەنادا ءوزىن ەڭ جاس ءارى ىلگەرى قالا ەكەندىگىن مالىمدەدى, ونىڭ كوبىسى سىزدەردىڭ دە ەڭبەكتەرىڭىزبەن بايلانىستى. بۇگىندە ءبارى استاناعا قاراي اعىلادى, سەبەبى بالالارىنا ساپالى ءبىلىم بەرگىسى كەلەدى, ولار ىزدەگەنىن وسى جەردەن تاباتىنىنا سەنىمدى, ال وعان سىزدەردىڭ قوسقان ۇلەستەرىڭىز ءسوزسىز. سىزدەرگە العىس ايتا وتىرىپ, كەلە جاتقان مەرەكەمەن قۇتتىقتاعىم كەلەدى. ءبىزدىڭ الدىمىزدا ۇلكەن مىندەتتەر تۇر, ۇلكەن جەتىستىكتەرگە جەتۋدەن قورىقپايىق, تەك جاقسىلىققا ۇمتىلايىق», - دەدى استانالىق ءبىلىم باسقارماسىنىڭ باسشىسى ءانۋار جانعوزين ۇستازداردى قۇتتىقتاپ.
ۇزدىك پەداگوگتاردىڭ ەسىمدەرى قالا مەن ەلدىڭ تاريحىندا قالادى, ولار ء«بىلىم جۇيەسىنىڭ التىن قورىنا» ەنگىزىلەدى.
ء«ار ادامنىڭ ومىرىندە 11 جىل ءبىلىم بەرىپ تاربيەلەگەن ۇستازى ەرەكشە ورىن الادى. بۇل جارقىن مەرەكە بىلايشا بارلىعىنىڭ دا قۋانىشى. پەداگوگتار كۇن سايىن ءوزىنىڭ ەڭبەگىمەن استانانى دامىتۋعا ۇلەس قوسىپ قانا قويماي, قازاقستاندى دا العا دامىتا تۇسەدى», - دەدى № 15 مەكتەپ-ليتسەيىنىڭ قازاق ءتىلى مەن ادەبيەتى ءپانىنىڭ وقىتۋشىسى راۋان اسەموۆا.
سونداي-اق كەشتە «ديدارلى جاز», ء«بىز قازاقستاننىڭ بولاشاعىمىز» قالالىق جارىسىنىڭ فينالدىق جەڭىمپازدارى بەلگىلى بولدى. قاتىسۋشىلارعا باعالى سىيلىقتار مەن كۋبوكتار تاپسىرىلدى. ۇستازدار مەرەكەسى كونتسەرتتىك باعدارلامامەن جالعاستى. كاسىبي پەداگوگتاردى مەرەكەسىمەن قازاق ۇلتتىق حورەوگرافيا اكادەمياسى, «ۆايناح» بي ءانسامبلى, «قۇرمەت» وردەنىنىڭ يەگەرى, تانىمال ءانشى تامارا اسار جانە باسقالار قۇتتىقتادى.
