جيىندا مەملەكەت باسشىسى شىمكەنت قالاسىن دامىتۋ جوسپارى تۋرالى اڭگىمەلەپ, قالانى دامىتۋ ءۇشىن اتقارىلاتىن جۇمىستارعا توقتالدى.
شاھاردى ءدامىتا تۇسۋ ءۇشىن ەلباسى بىرنەشە باعىتتى اتاپ كورسەتتى. ەڭ ءبىرىنشى, شىمكەنتتى ءىرى مەگاپوليسكە اينالدىرۋ قاجەت. ونى جۇزەگە اسىرۋ ءۇشىن 2023 جىلدارعا ارنالعان قۇرىلىس جونىندەگى كەشەندى جوسپارىن ازىرلەۋدى تاپسىردى. سونداي-اق كىرىس بولىگىن ۇلعايتۋ ءۇشىن ناقتى شارالار قابىلداۋ قاجەتتىگىن جەتكىزدى. بۇدان كەيىن قالانىڭ پەرسپەكتيۆاسىن ءتيىمدى پايدالانا وتىرىپ, ەكونوميكانى ىلگەرىلەتۋ ماقساتىندا ناقتى جۇمىستار اتقارۋدى تاپسىردى.
بۇدان كەيىن ن.نازارباەۆ جاستار ماسەلەسىنە نازار اۋدارىپ, قالادا ءبىلىم سالاسىن دامىتۋدىڭ قاجەتتىگىن اتاپ كورسەتتى.
«شىمكەنت – تەز ءوسىپ كەلە جاتقان شاھار. جالپى قالا تۇرعىندارىنىڭ 42 پايىزى – جاستار, 420 مىڭنان استام. ياعني, شىمكەنت – جاستاردىڭ قالاسى. مۇنى ۇمىتپاۋ قاجەت. العا قويعان ماقساتتارعا قول جەتكىزۋ ءۇشىن بىلىكتى ماماندار كەرەك. شىمكەنت سونداي مامانداردى دايارلايتىن ورتالىق رەتىندە قالىپتاسۋعا ءتيىس. وسىعان وراي, وقۋ ورىندارىنىڭ مارتەبەسىن ارتتىرىپ, شەتەلدىك ءبىلىم ورداسىمەن ارىپتەستىكتى كەڭەيتۋ قاجەت. مەكتەپتىڭ دە دەڭگەيىن كوتەرگەن ءجون. ونى جۇزەگە اسىرۋ ءۇشىن ەلدەگى زياتكەرلىك مەكتەپتەردىڭ تاجىريبەسىنە سۇيەنۋ قاجەت», دەدى ن.نازارباەۆ.
پرەزيدەنت بەدەلدى شەتەلدىك ۋنيۆەرسيتەتتەرمەن ىنتىماقتاستىق ورناتىپ, اعىلشىن تىلىندە ءبىلىم بەرەتىن باعدارلامالاردى كوبەيتۋدى تاپسىردى. سونىمەن قاتار شىمكەنتتەگى ۋنيۆەرسيتەتتەردىڭ دەڭگەيىن كوتەرىپ, ورتالىق جانە وڭتۇستىك ازيا ەلدەرىنىڭ ستۋدەنتتەرىنىڭ وقۋعا ىنتاسىن وياتۋ قاجەتتىگىن ايتتى.
اباي اسانكەلدى ۇلى,
«ەگەمەن قازاقستان»
شىمكەنت قالاسى
