27-28 قىركۇيەك كۇندەرى باس xاتشى بۇۇ-نىڭ باس xاتشىلىعىنىڭ وكىلدەرىمەن, بۇۇ-نىڭ سەرىكتەستىك بويىنشا كەڭسە باسشىسى يۋگ-يۋگ دجوردج چەديەكپەن, بۇۇ دامۋ جونىندەگى باعدارلاماسىنىڭ باسشىسى راستيسلاۆ ۆرەبەنسكيمەن, وركەنيەتتەر اليانسىنىڭ جوعارى وكىلى ناسير ابدۋلازيز ال-ناسەرمەن, بۇۇ جانىنداعى يىۇ-نىڭ تۇراقتى بايقاۋشىسى اگشين مەحديەۆپەن كەزدەستى. بۇل كەزدەسۋ بارىسىندا بۇۇ-نىڭ ارنايى قۇرىلىمدارىنىڭ تۇركى مەملەكەتتەرى مەن كەڭسە مۇشەلەرىنىڭ مەملەكەتتەرىمەن سەرىكتەستىكتى دامىتۋدىڭ جولدارى تالقىلاندى.
27 قىركۇيەك كۇنى تۇركى تىلدەس ەلدەر كەڭەسىنىڭ دەلەگاتسياسى قىرعىزىستاننىڭ بۇۇ-داعى تۇراقتى وكىلى ۇيىمداستىرعان «ادامدار جانە پلانەتا: ورتالىق ازيا حالىقارالىق ىنتىماقتاستىققا شاقىرادى» اتتى شاراعا قاتىستى.
سول كۇنى تۇركى كەڭەسىنىڭ باس حاتشىسى ب. امىرەەۆ بۇۇ-نىڭ وركەنيەتتەر اليانسىنىڭ مينيسترلەر كونفەرەنتسياسىندا ءسوز سويلەدى. ءوز سوزىندە تۇركى كەڭەسىنىڭ حالىقارالىق كۇنتىزبەدەگى الەمدە بەيبىتشىلىك پەن قاۋىپسىزدىكتى قامتاماسىز ەتۋ شارالارىنا جەرگىلىكتى ۇيىم رەتىندە قاتىسۋعا دايىن ەكەنىن ءبىلدىردى. باس حاتشى مينيسترلەر كەڭەسىنە بۇۇ-نىڭ وركەنيەتتەر اليانسىمەن زورلىق پەن دىنارالىق, ەتنيكاارالىق قاقتىعىسسىز بەيبىتشىلىك ورناتۋ, وركەنيەت ديالوگى جاھاندىق ارەكەتىن قولداۋدى دامىتۋ تۋرالى كەڭەستەرىن تانىستىردى.
28 قىركۇيەك كۇنى تۇركى كەڭەسىنىڭ باس حاتشىسى قازاقستاننىڭ «تەرروريزمنەن ازات الەمگە جەتۋ تۋرالى» كودەكس جوباسىنىڭ تانىستىرىلىمىنا قاتىستى.
شارا بارىسىندا باعدات امىرەەۆ بۇۇ-نىڭ 70-تەن اسا مەملەكەتتەگى وكىلدەرىمەن بىرگە تۇركى كەڭەسىنىڭ اتىنان قازاقستان رەسپۋبليكاسىنىڭ پرەزيدەنتى ن. نازارباەۆتىڭ ۇسىنىسىمەن ازىرلەنگەن «تەرروريزمنەن ازات الەمگە جەتۋ تۋرالى» كودەكس جوباسىن جۇزەگە اسىرۋ ءۇشىن قۇجاتقا قول قويدى.
ءىس-ساپار سوڭىندا باس حاتشى بۇۇ-نىڭ 73-ءشى سەسسيا بارىسىنداعى دەباتتارعا قاتىستى.
