اشىلۋ سالتاناتىنا قازاقستان باس پروكۋرورىنىڭ ورىنباسارى اندرەي لۋكين, ىشكى ىستەر ءمينيسترىنىڭ ورىنباسارى راشيد جاقىپوۆ, سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى ستانيسلاۆ ۆاسيلەنكو, ەقىۇ-نىڭ استاناداعى ءوفيسىنىڭ باسشىسى دەرد سابو, بۇرىنعى ارنايى وكىل – ەقىۇ-نىڭ ادام ساۋداسىنا قارسى كۇرەس جونىندەگى ۇيلەستىرۋشىسى مادينا جاربوسىنوۆا, قر باس پروكۋراتۋراسى جانىنداعى قۇقىق قورعاۋ ورگاندارى اكادەمياسىنىڭ رەكتورى ەرعالي مەرزادينوۆ جانە ەقىۇ-نىڭ 14 مۇشە-مەملەكەتتەرىنەن بىرقاتار جوعارى دەڭگەيلى ساراپشىلار قاتىستى.
ءۇش وقىتۋ بلوگىنان تۇراتىن ترەنينگتە 500-دەن استام ادام, سونىڭ ىشىندە بىرقاتار ەلدەردىڭ قۇقىق قورعاۋ ورگاندارىنىڭ قىزمەتكەرلەرى, ۇكىمەتتىك ەمەس ۇيىمداردىڭ, الەۋمەتتىك قىزمەتتەردىڭ وكىلدەرى, قارجىلىق جانە ەڭبەك ينسپەكتورلارى, پسيحولوگتار قاتىسۋدا.
اتالعان ءىس-شارانىڭ وتكىزىلۋى ەلىمىزدىڭ مۇددەلى مەملەكەتتىك ورگاندارىنىڭ, سونىڭ ىشىندە باس پروكۋراتۋراسىنىڭ, قۇقىق قورعاۋ ورگاندارىنىڭ اكادەمياسىنىڭ, قازاقستاننىڭ ۆەناداعى حالىقارالىق ۇيىمدارداعى تۇراقتى وكىلدىگىنىڭ, ەقىۇ حاتشىلىعىنىڭ, ارنايى وكىلدىك كەڭسەسىنىڭ جانە ادام ساۋداسىمەن كۇرەس جونىندەگى ەقىۇ ۇيلەستىرۋشىسىنىڭ جەمىستى جانە تىعىز جۇمىسىنىڭ ناتيجەسى بولدى.
ترەنينگ ادام ساۋداسىنا قارسى ءىس-قيمىل سالاسىندا جاڭا ءبىلىم الۋعا جانە حالىقارالىق جانە ايماقتىق دەڭگەيلەردە ۆەدومستۆوارالىق ىنتىماقتاستىقتى كەڭەيتۋگە مۇمكىندىك بەرەدى. بۇل رەتتە, جوبا ادام ساۋداسىنا قارسى تۇرۋ ءۇشىن ەقىۇ ايماعىندا ورىس تىلىندە العاشقى وقۋ جاتتىعۋلارى بولدى.
ءوز مانىندە ءبىرىنشى سيمۋلياتسيالىق ترەنينگتى ۇيىمداستىرۋ قازاقستاننىڭ كوشى-قون مارشرۋتتارىندا ادام ساۋداسىنان جاپا شەككەندەردى انىقتاۋ پروتسەسسىنە ءوز ۇلەسىن قوسۋ تالپىنىسىن كورسەتۋدە.
«تاۋەلسىزدىكتىڭ العاشقى كۇندەرىنەن باستاپ قازاقستان, دەموكراتيالىق جانە قۇقىقتىق مەملەكەتتى قۇرۋ جولىنا ءتۇستى. مۇندا ادام, ونىڭ ءومىرى, قۇقىقتارى مەن بوستاندىعى جوعارى قۇندىلىق رەتىندە تانىلىپ, مەملەكەتپەن قورعالۋدا. بۇگىنگى تاڭدا رەسپۋبليكا 13 جاڭا حالىقارالىق كونۆەنتسيالاردىڭ, قازىرگى زامانعى قۇلدىقتىڭ زاماناۋي فورمالارىنا قارسى ءىس-قيمىلدارمەن تىكەلەي بايلانىستى كەلىسىمشارتتار مەن كەلىسىمدەردىڭ قاتىسۋشىسى بولىپ تابىلادى. ءبىز ءتيىستى جاۋاپكەرشىلىكپەن ولاردى ىسكە اسىرۋعا, سونداي-اق بارلىق قاراستىرىلعان مىندەتتەمەلەردى ورىنداۋعا تىرىسامىز. ەندى ورتالىق ازيادا, وسى ماڭىزدى حالىقارالىق ءىس-شارانى وتكىزۋ ادام ساۋداسىنا قارسى ءىس-قيمىل سالاسىندا ساراپشىلاردىڭ قۇزىرەتتىلىگىن ارتتىرۋعا جاردەمدەسەتىنى ءسوزسىز انىق», - دەدى س.ۆاسيلەنكو ءوز بايانداماسىندا.
العاش رەت ۇقساس ترەنينگ ەقىۇ-مەن يتاليادا 2016 جىلى اعىلشىن تىلىندە ۇيىمداستىرىلدى.
