اتىراۋدا قالا اكىمى الىمۇحاممەد قۇتتۇمۇرات ۇلىنىڭ كاسىپكەرلەرمەن كەزدەسۋى ءوتتى. ءىس-شارا «سۇراق-جاۋاپ» فورماتىندا ءوتتى, وعان وبلىس ورتالىعىنداعى 200 كاسىپكەر قاتىستى.
اتىراۋ قالاسىنىڭ اكىمىنە 20-عا جۋىق سۇراق قويىلدى, ولاردىڭ باسىم بولىگى كاسىپكەرلىك نىساندارىن سالۋعا جەر تەلىمدەرىن ءبولۋ, ينفراقۇرىلىم وتكىزۋ, مونوپوليستەرگە قاتىستى ماسەلەلەردى شەشۋ بولدى.
قاتىسۋشىلاردىڭ سۇراقتارىنا جاۋاپ بەرىپ قالا اكىمى اليمۇحاممەد قۇتتۇمۇرات ۇلى كاسىپكەرلەرگە اتىراۋ قالاسىنىڭ دامۋى مەن وركەندەۋىنە ۇلەس قوسۋدى ءوتىندى.
-بۇگىنگى تاڭدا قالا 150 ملرد تەڭگەگە جۋىق جوبالاردى جۇزەگە اسىرۋدا. بارلىق جوبالار قالا ءۇشىن وتە ماڭىزدى. جەرگىلىكتى بيۋدجەتتەن ولاردى جۇزەگە اسىرۋ ءۇشىن قاراجات جەتىسپەيتىنىن تۇسىنەمىز, سوندىقتان كاسىپكەرلەردى قالانىڭ دامۋىنا ۇلەس قوسۋعا جانە قالانى جاقسارتۋعا كومەكتەسۋگە شاقىرامىز.
مىسالى, وتكەن جىلى كاسىپكەرلەر كوپتەگەن سپورت الاڭدارىن سالعان. اقتوبەنىڭ كاسىپكەرلەرى 1 ملرد. تەڭگەدەن استام سوماعا نىساندار سالعان. قۇلسارى قالاسىندا جەرگىلىكتى كاسىپكەر 800 ميلليون تەڭگەگە بالاباقشا سالىپ, ونى قالاعا سىيعا بەردى. بيىل بيزنەستىڭ وكىلدەرى ءبىزدىڭ اتىراۋدى جاقسارتۋعا كومەكتەسكەنىن قالايمىن, - دەپ الىمۇحاممەد قۇتتۇمۇرات ۇلى كاسىپكەرلەرگە ءوتىنىش ءبىلدىردى.
قالا اكىمىنىڭ ايتۋىنشا, كاسىپكەرلەر ەلىمىزدە كوپتەگەن جۇزەگە اسىپ جاتقان باعدارلامالارعا دەمەۋشى مەن قايىرىمدىلىق كومەكشى بولىپ بەلسەندى قاتىسا الادى - "تۋعان جەرگە تاعزىم", «جومارت جۇرەك» جوبالارىنىڭ ماڭىزى زور. مەملەكەت باسشىسىنىڭ "بولاشاققا باعدار: رۋحاني جاڭعىرۋ" باعدارلاماسىن جۇزەگە اسىرۋ اياسىندا قالانىڭ دامۋىنا ەلەۋلى ۇلەس قوسۋعا مۇمكىندىك بار.
- سىزدەردىڭ ارقايسىڭىزدىڭ بيزنەس-قۇرىلىمدارىڭىز بار, ەگەر ءسىز ولاردى ءوسىرىپ, اعاشتار وتىرعىزساڭىز, ولارعا قامقورلىق جاساساڭىز, بۇل قالانىڭ دامۋى مەن گۇلدەنۋىنە باعا جەتپەس ۇلەس بولادى.
يا, ءبىز ايىپپۇل سالا الامىز, بىراق ءسىزدىڭ ساناڭىزعا ءۇمىت ارتىپ, مۇنى ىستەگىمىز كەلمەيدى. ءوز تاراپىمىزدان كومەكتەسۋگە دايىنبىز, - دەدى قالا اكىمى كاسىپكەرلەرگە.
اليمۇحاممەد قۇتتىمۇرات ۇلىنىڭ ايتۋىنشا, 2019 جىلى وبلىس ورتالىعىندا 100 تۇرعىن ءۇيدى جابدىقتاۋ جوسپارلانىپ وتىر. قازىرگى ۋاقىتتا جاڭا جوبانىڭ تۇجىرىمداماسى ازىرلەنۋدە, ونى جۇزەگە اسىرۋ بارىسىندا كاسىپكەرلەر بەلسەندى قاتىسا الادى.
