ايتۋلى جارىستا قازاقستاننىڭ تەننيسشىلەرى پورتۋگاليا مەن وار نەمەسە سلوۆاكيا مەن بەلارۋس قۇرامالارى اراسىنداعى باسەكەنىڭ جەڭىمپازىمەن كەزدەسەدى. وسى تورتتىكتىڭ اراسىنان ەڭ قاۋىپتى قارسىلاس – سلوۆاكيا. سەبەبى, بۇل ەلدىڭ مارك كليجان (№49), لۋكاش لاتسكو (№77) جانە يوزەف كوۆاليك (№84) سىندى ءۇش سايىپقىرانى اتر رەيتينگىندەگى «توپ-100» ويىنشىنىڭ قاتارىنا ەنىپ وتىر. وار-دىڭ ساپىندا دا وتە ازۋلى تەننيسشى بار. ول – الەمنىڭ توعىزىنشى راكەتكاسى كەۆين اندەرسون. پورتۋگاليا جواو سوۋزاعا سەنىم ارتادى. ول ۇزدىكتەر تىزىمىندە 50 ورىندى يەلەنۋدە. ال قازاقستاننىڭ ەڭ مىقتى ويىنشىسى ميحايل كۋكۋشكين اتر رەيتينگىندە 87 ورىندى ەنشىلەۋدە.
وسى كوماندالار اراسىنان ناقتى كىممەن كۇش سىناساتىنىمىز قازان ايىنىڭ اياعىندا انىقتالادى. باسەكەلەردىڭ ءوزى كەلەسى جىلدىڭ 1-2 اقپان ارالىعىندا وتەدى. ەگەر جەرلەستەرىمىز شەشۋشى ماتچتا جەڭىسكە جەتەتىن بولسا, وندا دەۆيس كۋبوگىنىڭ نەگىزگى دوداسىندا كۇش سىناسۋ قۇرمەتىنە يە بولادى.
عالىم سۇلەيمەن,
«ەگەمەن قازاقستان»
