اتىراۋ قالاسىندا اشىلعان كوشى-قون قىزمەتىن كورسەتۋ ورتالىعى وسىنداي مۇمكىندىك تۋعىزىپ وتىر. ء«بىر تەرەزە» قاعيداتى بويىنشا جۇمىس ىستەيتىن ورتالىق ميگرانتتارعا ەل اۋماعىندا ەڭبەك قىزمەتىن جۇزەگە اسىرۋعا ارنالعان رۇقسات بەرۋ, رۇقسات مەرزىمىن ۇزارتۋ, ۋاقىتشا تىركەۋ, قازاقستاندا تۇراقتى تۇرۋعا قالدىرۋ قىزمەتتەرىن كورسەتەدى. مەديتسينالىق تەكسەرۋ, داكتيلوسكوپيادان ءوتۋ, ساقتاندىرۋ ءپوليسىن راسىمدەپ, جسن ءنومىرىن الۋ سەكىلدى ءراسىم- دەر دە وسىندا اتقارىلادى. بۇرىن مۇنداي ورتالىق استانا, الماتى, شىمكەنت قالالارىندا عانا بولاتىن. ەندى وسى قاتارعا اتىراۋ دا قوسىلىپ وتىر.
مۇنايلى وڭىرگە شەكارا اسىپ كەلىپ ەڭبەك ەتۋگە نيەتتىلەر سانى جىل ساناپ ارتىپ كەلەدى. جىل باسىنان بەرى وبلىستىق ءىىد كوشى-قون قىزمەتى باسقارماسىنىڭ قىزمەتكەرلەرى 75 503 شەتەلدىكتىڭ ۋاقىتشا تىركەلۋىن راسىمدەگەن. باسقارما باسشىسى بولات دوسقاليەۆتىڭ ايتۋىنشا, بيىل 55 مىڭ ميگرانت قازاقستان اۋماعىندا ەڭبەك ەتۋگە رۇقسات الۋعا, رۇقسات مەرزىمىن ۇزارتۋعا قۇجات تاپسىرعان.
باقىتگۇل باباش,
«ەگەمەن قازاقستان»
اتىراۋ
