ماسساگەتتەر پاتشايىمى تۋرالى – «توميريس» اۋقىمدى تاريحي فيلمىنە ارنايى «قازاقفيلم» كينوستۋدياسىنىڭ تەرريتورياسىندا سوعىلعان «ۆاۆيلون» دەكوراتسياسىندا سوڭعى ءتۇسىرىلىم جۇمىستارى ءجۇرىپ جاتىر.
ءفيلمنىڭ باس پروديۋسەرى – ءاليا نازارباەۆا («اناعا اپارار جول»). قويۋشى رەجيسسەرى – اقان ساتاەۆ («ليكۆيداتور», «رەكەتير», «اداسقاندار», «جاۋجۇرەك مىڭ بالا», «اناعا اپارار جول»).
ەستەرىڭىزگە سالا كەتەيىك, بىلتىر ءساۋىر ايىندا «قازاقفيلم» كينوستۋدياسى «ساتايفيلم» كينوكومپانياسىمەن بىرلەسە قر مادەنيەت جانە سپورت مينيسترلىگىنىڭ تاپسىرىسى بويىنشا «توميريس» ءفيلمىن وندىرىسكە جىبەرگەن بولاتىن. ءفيلم بىزدىڭ زامانىمىزعا دەيىنگى VI عاسىر ماسساگەتتەر پاتشايىمىنىڭ باستاۋىمەن بايتاق دالانى باسىپ الۋدى كوزدەگەن پارسى پاتشاسى ءىى كيرگە ويسىراپ توتەپ بەرگەنى تۋرالى باياندايدى.
جالپىرەسپۋبليكالىق كاستينگتىڭ ناتيجەسى بويىنشا باستى رولگە 15 000 ۇمىتكەر انىقتالىپ, اكتريسا-دەبيۋتانت الميرا تۇرسىن تاڭدالىپ الىنعان. سونىمەن قاتار, فيلمدە تانىمال وتاندىق اكتەرلەر: ءادىل احمەتوۆ, بەرىك ايتجانوۆ, اسىلحان تولەپوۆ, ازامات ساتىبالدى جانە باسقالار تۇسەدى. كيردىڭ رولىنە «تسارستۆو نەبەسنوە» ءفيلمى ارقىلى تانىلعان ۇلتى اراب امەريكالىق اكتەر گاسان ماسۋد شاقىرىلعان. ايتا كەتەليىك, بارلىق بستى كەيىپكەرلەر ترەنەرلىك دايىندىقتان وتكەن. ۇرىس ساحنالارىن قويۋشى جايداربەك كۋنگۋجينوۆتىڭ «Nomad» لاگەرىندە اتقا ءمىنۋ, ساداقپەن اتۋ, سۋىق قارۋدى مەڭگەرۋ, ات ۇستىندە پايدالانا ءبىلۋ سىندى باسقا دا اسكەري ارەكەتتەردى ۇيرەنگەن. فيلم ءۇشىن قاجەتتى رەكۆيزيتتى ازىرلەنگەن – كيىم-كەشەك, اياق كيىمى, سول داۋىرگە ساي اشەكەي بۇيىمدار مەن قارۋ-جاراقتار. باستى كەيىپكەرلەر مەن ەپيزودتا وينايتىن اكتەرلەرگە 1000 كيىم كومپلەكت, ال توميريسكە 20 كوستيۋم تىگىلگەن. سونىمەن قاتار, 10 مىڭ قارۋ-جاراق جاسالعان.
فيلم نە جايلى؟
بۇل ۇلى دالانىڭ اتى اڭىزعا اينالعان توميريس پاتشايىمى تۋرالى فيلم. فيلمدە كىشكەنتاي قىزدان ايبىندى جاۋىنگەرگە اينالعان, جاقىندارىنان ايرىلىپ, ساتقىنداردان ءوشىن العان جانە ساق تايپالارىن ءوز بيلىگى استىندا بىرىكتىرگەن ارۋدىڭ تاعدىرى باياندالادى. ول ماحاببات پەن ءوز حالقىنىڭ تاۋەلسىزدىگى ءۇشىن سول زامانداعى ەڭ قيامەتتى سوعىستا پارسى يمپەرياسىنىڭ پاتشاسى كيرمەن شايقاسادى.
