ونىڭ ايتۋى بويىنشا وڭىرلىك تۇراقتاندىرۋ قورى - بۇل وبلىس اۋماعىندا ازىق-ت ۇلىك قاۋىپسىزدىگىن قامتاماسىز ەتۋمەن قاتار, اگرارلىق ازىق-ت ۇلىك نارىعىنىڭ رەتتەلۋىنە ىقپال ەتۋ ءۇشىن قۇرىلعان ازىق-ت ۇلىك تاۋارلارىنىڭ جەدەل قورى.
جالپى العاندا, ازىق-ت ۇلىك تاۋارلارىنىڭ وڭىرلىك تۇراقتاندىرۋ قورىن قالىپتاستىرۋعا اعىمداعى جىلى جەرگىلىكتى بيۋدجەتتەن 309 ملن.تەڭگە ءبولىندى. قوردىڭ وپەراتورى "بازارلاردى باسقارۋ" جشس مەملەكەتتىك-جەكە مەنشىك كاسىپورىن نەگىزىندەگى «ۇك اكك «اقتوبە» اق بولىپ تابىلادى.
«بۇگىنگى كۇنى تۇراقتاندىرۋ قورىندا 247 توننا قانت, 100,5 توننا وسىمدىك مايى, 27 توننا كۇرىش, 111 توننا ۇن ساقتالۋدا. سونىمەن قاتار, 2018-2019 جىلعى ماۋسىمارالىق كەزەڭدە 1 880 توننا كارتوپ پەن كوكونىس ساتىپ الۋ ءۇشىن فيۋچەرستىك كەلىسىمشارتتار جاسالدى. «پريگورودنوە» اشف» جشس 500 توننا كارتوپ, 100 توننا ءسابىز, 200 توننا پياز, 80 توننا قىرىققابات, ال «اكتەپ» جشس - 1000 توننا كارتوپ جەتكىزەدى», - دەپ تولىقتىردى باسقارما باسشىسى.
ايتا كەتەيىك, تۇراقتاندىرۋ قورىنىڭ ونىمدەرى اقتوبەدەگى 10 الەۋمەتتىك پاۆيلوندا, 2 الەۋمەتتىك دۇكەن مەن 10 شاعىن-بازاردا, سونداي-اق «تابىس» بازارىندا ساتىلادى.
