ىزگىلىكتى شاراعا ينۆەستيتسيالار جانە دامۋ ۆيتسە-ءمينيسترى رومان سكليار, قازاقستان ماشينا جاساۋشىلار وداعىنىڭ باسقارما توراعاسى, ءماجىلىس دەپۋتاتى مەيرام پىشەمباەۆ قاتىستى. «بۇگىن ءبىز ەلوردامىز – اسەم قالا استانانىڭ 20 جىلدىعى قۇرمەتىنە ماشينا جاساۋشىلار اللەياسىن تارتۋ ەتىپ وتىرمىز. قازاقتا ء«بىر تال كەسسەڭ, ون تال ەك» دەگەن اتالى ءسوز بار. بۇگىنگى يگى باستاماعا وداق قۇرامىنا كىرەتىن بارلىق كاسىپورىن قۋانا قولداۋ كورسەتتى. ءبىزدىڭ بۇل باستامامىز الداعى جىلداردا جالعاسىن تاباتىنىنا جانە وزگەلەرگە ۇلگى بولاتىنىنا سەنىمدىمىز. ەلىمىزدى كوگالداندىرىپ, قورشاعان ورتانى لاستانۋدان ساقتاپ, ەكولوگيانى قورعاۋ قازاقستاننىڭ ءاربىر ازاماتىنىڭ پارىزى, مىندەتى دەپ بىلەمىن! اللەيامىزداعى اعاشتار جايقالىپ ءوسىپ, حالىققا سايا بولسىن», دەپ جۇرەكجاردى لەبىزىن ءبىلدىردى باسقارما توراعاسى. ال ۆيتسە-مينيستر رومان سكليار ماشينا جاساۋشىلاردىڭ ەكى كۇندىك فورۋمى مازمۇندى وتكەنىن اتاپ ءوتتى.
«بيىل قازاقستان ماشينا جاساۋشىلار فورۋمى التىنشى رەت ءوتىپ وتىر. ەكى كۇندە سەكتسيالىق جيىندار ءوتىپ, وتاندىق ماشينا جاساۋدى ءارى قاراي دامىتۋدىڭ پراكتيكالىق ۇيعارىمدارى شىعارىلدى, سالانى دامىتۋداعى ەڭ وتكىر جانە وزەكتى ماسەلەلەر تالقىلاندى. مىنە, 2019-2030 جىلدار ارالىعىندا قازاقستانداعى ماشينا جاساۋ سالاسىن دامىتۋدىڭ كەشەندى جوسپارىنىڭ جوباسى تانىستىرىلدى. ارينە بۇل نوبايلى جوسپار. بىراق ءبىز بىرىگىپ, ونىڭ كەمشىن تۇستارىن تولىقتىرىپ, جەتكىزىپ, قابىلداپ جۇزەگە اسىراتىن بولامىز. ال استانادا ماشينا جاساۋشىلار اللەياسىنىڭ اشىلۋى, بۇل وسى سالادا ءتۇرلى ءوندىرىستىڭ تىزگىنىن ۇستاعان كاسىپورىندار مەن وداق اراسىندا ىنتىماقتاستىقتىڭ, اۋىزبىرلىكتىڭ, ۇيىمشىلدىقتىڭ بار ەكەنىنىڭ جارقىن كورىنىسى», دەپ اتاپ ءوتتى رومان سكليار.
قازاقستان ماشينا جاساۋشىلار وداعىنىڭ اتقارۋشى ديرەكتسياسى ديرەكتورىنىڭ ورىنباسارى ايبەك قاجكەنوۆتىڭ ايتۋىنشا, بۇدان بىلاي وداق ءوز اللەياسىن ءوز قامقورلىعىنا الىپ, ونىڭ اباتتاندىرىلۋىن, تازالىعىن, سۋارىلۋىن باقىلاپ وتىرماق. كەلەر جىلدىڭ كوكتەمىندە ەنشىلەپ العان 20 سوتىق جەرگە تاعى دا ءتۇرلى اعاش كوشەتتەرىن وتىرعىزىپ, بۇل اللەيانى شاعىن ساياباققا اينالدىرۋ جوسپاردا بار ەكەن. ءتىپتى ماشينا جاساۋشى كاسىپورىندار ءوز قىزمەتتەرىمەن بايلانىستىرىپ, ماسەلەن, تەمىر جول وندىرىسىندەگىلەر ۆاگونعا ۇقساتىپ, اۆتوكولىك جاساۋشىلار اۆتوموبيلگە ۇقساتىپ ارت-نىساندار ورناتۋ جاعىن دا ويلاستىرماق. ايتۋلارىنشا, كۇزدە قايىڭ, شەتەن اعاشتارىن وتىرعىزعان قولايلى, ويتكەنى ولار سۋىققا ءتوزىمدى كەلەدى ەكەن.
اتاپ وتەرلىگى, اللەيا اعىمداعى جىلدىڭ 20-21 كۇندەرى استانادا وتكەن ماشينا جاساۋشىلاردىڭ VI فورۋمى اياسىندا اشىلدى. الەمنىڭ 20 ەلىنەن 1200-دەن استام ادام قاتىسقان فورۋمدى ۇكىمەتتىڭ قولداۋىمەن ينۆەستيتسيالار جانە دامۋ مينيسترلىگى, قازاقستان ماشينا جاساۋشىلار وداعى جانە باس سەرىكتەس «سامۇرىق-قازىنا» اق ۇيىمداستىرىپ وتىر. سونىمەن قاتار فورۋم شەڭبەرىندە ستۋدەنتتەر ءۇشىن بوس ورىندار جارمەڭكەسى ءوتتى. پلەنارلىق جيىندارعا قاراعاندى, پاۆلودار, استانانىڭ تەحنيكالىق جوعارى وقۋ ورىندارىنىڭ جەتەكشىلەرى قاتىسىپ, ولار ماشينا جاساۋ سالاسىنا قانداي كادرلار قاجەت جانە دە قازىرگى زاماناۋي تالاپتاردى ەسكەرە وتىرىپ, تۇلەكتەردى قالاي تاربيەلەۋ كەرەكتىگى تۋرالى ماڭىزدى ماعلۇماتتار الدى.
سۇلۋگۇل باكەسوۆا
