مينيستر ءوز بايانداماسىندا قازاقستان كولىك, ساۋدا, ينۆەستيتسيا, ەنەرگەتيكا جانە قورشاعان ورتانى قورعاۋ سالالارىنداعى ەىۇ-عا مۇشە مەملەكەتتەر اراسىنداعى وڭىرلىك ىنتىماقتاستىقتى دامىتۋدىڭ ۇلكەن الەۋەتىن اتاپ ءوتتى. ۇيىمدى رەفورمالاۋ ماسەلەسىنە ايرىقشا نازار اۋدارىلدى. مينيستر ۇيىمعا مۇشە ەلدەرگە قاتىستى پراكتيكالىق پايداعا كوبىرەك باعىتتالۋى قاجەت ەكەنىن باسا ايتىپ, قازاقستان ۇسىنعان بىرقاتار رەفورمالىق ۇسىنىستاردى قولداۋعا شاقىردى.
كەزدەسۋگە قاتىسۋشىلار ايماقتىق جانە حالىقارالىق كۇن تارتىبىندەگى ماسەلەلەر بويىنشا پىكىر الماستى.
ەكونوميكالىق ىنتىماقتاستىق ۇيىمى 1985 جىلى قۇرىلدى. قازاقستان اتالعان ۇيىمعا 1992 جىلى قوسىلدى. قازىرگى ۋاقىتتا ۇيىمعا 10 مەملەكەت (ازەربايجان, اۋعانستان, يران, قازاقستان, قىرعىزستان, پاكىستان, تاجىكستان, تۇرىكمەنستان, تۇركيا جانە وزبەكستان) مۇشە بولىپ تابىلادى.
