ءتارتىپ ساقشىلارى كارىس, نەمىس, تاتار, قازاق, وزبەك, ارميان حالىقتارىنىڭ تىلىندە سويلەپ, سالت-داستۇرلەرى مەن ادەپ-عۇرىپتارىن, كيىمىن, ۇلتتىق بيلەرىن جۇرتشىلىققا ۇسىندى.
«130-دان استام ەتنوس وكىلدەرى تۇرىپ جاتقان قازاقستان جەرىندە ەلباسىنىڭ قولداۋىمەن قازاقستان حالقىنىڭ تىلدەرى كۇنى جىل سايىن اتاپ وتىلەدى. پەتروپاۆل قالاسىنىڭ ىشكى ىستەر باسقارماسىندا ء«تىل – دوستىق كوپىرى» اتتى ءىس-شارانى وتكىزۋ داستۇرگە اينالعان. ونداعى ماقسات– دوستىقتى, بىرلىكتى ناسيحاتتاۋ», دەيدى كادر جۇمىسى ءبولىمىنىڭ جەتەكشىسى دانيار قايرۋللين.
ءىس-شارا بارىسىندا بالانىڭ دۇنيەگە كەلۋىنەن ۇيلەنگەنگە دەيىنگى عۇرىپتار كورسەتىلدى. ءبىر كوماندا نەكە جۇزىگىن ءبالىشتىڭ ىشىنە جاسىرىپ, نەمىستەردىڭ قىزعا ۇسىنىس جاساۋ ءداستۇرىن بەينەلەسە, ەكىنشى كوماندا جاس جۇبايلارعا بال جەگىزىپ, ايناداعى جاڭا بەينەنى كورسەتىپ, وزبەك حالقىنىڭ ۇيلەنۋ تويداعى راسىمدەرىن پاش ەتتى. ءار ۇلتتىڭ تاعامدارى دا تانىستىرىلدى.
سايىستىڭ قورىتىندىسى بويىنشا جەرگىلىكتى پوليتسيا قىزمەتىنىڭ وكىلدەرى تاپسىرمالاردىڭ بارلىعىن ويداعىداي ورىنداپ, ۇزدىك اتاندى. ولار تاتار حالقىنىڭ سالت-داستۇرلەرى مەن ادەپ-عۇرىپتارىن كورسەتتى.
ءومىر ەسقالي.
«ەگەمەن قازاقستان».
سولتۇستىك قازاقستان وبلىسى
