بۇعان دەيىن «ەگەمەن اكادەمياسىنىڭ» ءبىرىنشى ماۋسىمى اياقتالىپ, وعان جۇزدەن استام ستۋدەنت قاتىسقان بولاتىن. العاشقى ماۋسىمدا اقپارات جانە كوممۋنيكاتسيالار ءمينيسترى د.اباەۆ, قوعام جانە مەملەكەت قايراتكەرلەرى ستۋدەنتتەرگە ءدارىس وقىدى. ەندى «اكادەميانىڭ» ەكىنشى كەزەڭى باستالادى.
جوبا جاس جۋرناليستەردىڭ ءبىلىمىن شىڭداۋعا, بىلىكتىلىگىن ارتتىرۋعا جانە زاماناۋي ترەندتەرمەن تانىسۋعا مۇمكىندىك بەرەدى.
«اكادەميادا» ەلىمىزدىڭ جۋرناليستيكا سالاسىنىڭ مايتالماندارىمەن قاتار سالالىق تاقىرىپتار بويىنشا ماماندار بىلىمىمەن بولىسەدى. جوبانىڭ ماقساتى –قازاقتىلدى باسىلىم قىزمەتكەرلەرىنىڭ ءبىلىمىن ارتتىرىپ, سالالىق جۋرناليستيكاعا بەيىمدەۋ, سونداي-اق وزەكتى تاقىرىپتار توڭىرەگىندە تالقىلاۋ الاڭىن كەڭەيتۋ.
جوبا بارىسىندا جاڭالىق جازۋدان باستاپ, داتا جۋرناليستيكا, فاكتچەكينگ سەكىلدى كەيىنگى كەزدە ترەندكە ەنگەن تاقىرىپتار اياسى دا قامتىلادى. جوبا ءۇش ايدان تۇراتىن كۋرستارعا بولىنگەن. ءار كۋرس اياقتالعان كەزدە وتكەن ساباقتار بويىنشا تانىمدىق ماقالا, ەسسە جانە ساراپتامالىق ماتەريال جازعان بەلسەندى قاتىسۋشىلارعا ارنايى سەرتيفيكات تابىستالادى.
«ەگەمەن اكادەمياسىنا» قاتىسۋعا نيەت تانىتقاندارعا ەسىگىمىز اشىق. ول ءۇشىن www.egemen.academy سايتىنا كىرىپ تىركەلۋ قاجەت. تىركەلۋ مەرزىمى 1 قازانعا دەيىن سوزىلادى. سەمينارلار قازان ايىنان باستاپ وتكىزىلە باستايدى. العاشقى ءدارىس 5 قازاندا بولادى.
قوسىمشا سۇراقتار بويىنشا +7 7172 37 60 74, +7 7172 37 56 80 نومىرلەرىنە قوڭىراۋ شالىپ, academy@egemen.kz ەلەكتروندى پوشتاسىنا جازا الاسىزدار.
