حالىقارالىق بيزنەس ۋنيۆەرسيتەتىنىڭ پىكىرسايىس كلۋبىنىڭ ۇيىمداستىرۋىمەن وتكەن شاراعا استانا, قىزىلوردا, شىمكەنت جانە الماتى قالالارىنداعى 30-دان استام جوعارى وقۋ ورىندارىنان كەلگەن 100-گە جۋىق ستۋدەنت قاتىستى.
ماقسات – جاستار اراسىنداعى كوشباسشىلىق باسەكەلەستىكتى دامىتۋ, شەشەندىك قاسيەتتى ارتتىرۋ, قازىرگى كەزدە جاستار مەن قوعام ءۇشىن اسا وزەكتى ماسەلەلەردى تالقىلاي وتىرىپ, ساياسي ساۋاتتىلىقتىڭ دەڭگەيىن كوتەرۋ.
دەبات بارىسىندا قىزدار ۋنيۆەرسيتەتىنىڭ ستۋدەنتتەرى بەكىتىلگەن تاقىرىپ توڭىرەگىندە ءوز پايىمدارى مەن پىكىرلەرىن ناقتى دايەكتەرمەن كەلتىرىپ, ناقتى ۇسىنىستارىمەن ءبولىستى.
بۇگىنگى پروبلەمالارعا تالداۋ جاساۋ جانە ونى بۇقارالىق تالقىلاۋ ارقىلى ستۋدەنتتەردىڭ الەۋمەتتىك جانە شىعارماشىلىق بەلسەندىلىكتەرىن ارتتىرۋ, ەلىمىزدەگى جاستاردىڭ پىكىرسايىس قوزعالىسىن دامىتۋدى كوزدەگەن تۋرنيردە قىزدار ۋنيۆەرسيتەتىنىڭ بىلىمگەرلەرى وزدەرىنىڭ وزىق ويلى ەكەندىكتەرىن تولىقتاي دالەلدەپ, الەۋەتىنىڭ جوعارى ەكەندىگىن پاش ەتتى, – دەيدى شارا ۇيىمداستىرۋشىلارى.
ولاردىڭ ايتۋىنشا, بيىل تۋرنير وسىمەن بەسىنشى رەت وتكىزىلىپ وتىر. جەڭىمپازدارعا كۋبوك تابىستالىپ, قايىرىمدىلىق شاراسىنان تۇسكەن قارجى مۇقتاج ادامدارعا تابىستالادى.
پىكىرسايىسقا قاتىسۋشىلار قوعامداعى وزەكتى ماسەلەلەردى تالقىلاپ, ونىӊ شەشۋ جولدارىن ۇسىندى. سونىمەن قاتار, تۋرنير اياسىندا ءتاتتى تاعامداردىӊ جارمەӊكەسى ۇيىمداستىرىلىپ, تۇسكەن قاراجات كومەككە مۇقتاج ازاماتقا ءتۋرنيردىӊ ەكىنشى كۇنى ۇسىنىلدى.
ايتا كەتەيىك, تۋرنير جەڭىمپازدارى جانار وتەگەن مەن نۇراي امىرقۇل قىزدار ۋنيۆەرسيتەتىندە «قازاق ءتىلى مەن ادەبيەتى» ماماندىعى بويىنشا ءبىلىم الادى. ارۋلار وقۋ ورنىنداعى «پاراساتتى ناعىز ليدەرلەر وداعى» ينتەللەكتۋالدى پىكىرسايىس كلۋبىنىڭ قازاق ليگاسىنىڭ بەلسەندى مۇشەلەرى.
