اۋداندىق «جاستار رەسۋرستىق ورتالىعى» كمم-ءنىڭ ۇيىمداستىرۋىمەن اۋدىنىمىزدىڭ ستۋدەنت جانە جۇمىسسىز جاستارىن قوسىمشا جۇمىسپەن قامتۋ جانە قوعامدىق, ەڭبەك بەلسەندىلىكتەرىن نىعايتۋدى جۇزەگە اسىرۋ, جاستار بويىندا ازاماتتىق جانە وتانسۇيگىشتىك قاسيەتتەرىن قالىپتاستىرۋ ماقساتىندا «جاسىل ەل» ەڭبەك جاساقتارىن قالىپتاستىرعان بولاتىن. مىنە, جۇمىس باستاعاندارىنا 1 ايعا جۋىق ۋاقىت بولعان جاستارمەن اۋدان اكىمى باقىت اسانوۆ ارنايى كەزدەسۋ وتكىزىپ, جاساقتاردىڭ جۇمىس بارىسىمەن تانىستى.
ءوڭىر باسشىسى جاڭادان قۇرىلعان اۋداندى كورىكتەندىرۋگە ۇلەسىن قوسقاندارى ءۇشىن جاستارعا العىس ايتىپ, الداعى ۋاقىتتا «جاسىل ەل» ەڭبەك جاساقتارىنا جۇمىسقا الىناتىن جاستاردىڭ سانىن كوبەيتۋ كەرەكتىگىن اتاپ ءوتتى. سونداي-اق, اۋدان ورتالىعىندا جاستاردىڭ دامۋىنا قاجەتتى الەۋمەتتىك نىسانداردى, دەمالىس ورىندارىن كوپتەپ سالۋ ءۇشىن جوبالار جاسالىپ جاتقاندىعىن ايتتى. ول ءۇشىن اۋدان اكىمى جاستاردىڭ ۇسىنىسىن تىڭداپ, ولاردىڭ تالاپ-تىلەگىنە قۇلاق سالدى.
ماقتاارالدىق جاستار «جاسىل ەل» ەڭبەك جاساعى قاتارىندا بولا وتىرىپ, اۋدانىمىزدىڭ كورىكتەندىرۋ-اباتتاندىرۋ جۇمىستارىنا قاتىسۋدا. اتاپ ايتقاندا, مىرزاكەنت پەن اتاكەنت كەنتىنىڭ ورتالىق كوشەلەرىن, قوعامدىق ورىندارىن قوقىستان ارىلتىپ, ءشوپ-شالاڭدارىن شابۋدا. سونداي-اق, تالداردىڭ اعاشتارىن بۇتاپ, الەۋمەتتىك نىسانداردى, گۇلزارلار مەن ساياباقتاردى رەتكە كەلتىرۋدە.
ايتا كەتەيىك, قازىرگى تاڭدا 2 جاساقتا 50-دەن اسا جاستار جۇمىس ىستەۋدە. ولاردىڭ ءاربىرى ارنايى فورمامەن, قۇرال-جابدىقتارمەن قامتىلعان جانە ءبىر ايلىق جالاقىلارى 55 000 تەڭگە كولەمىندە.
